ԵՐԵՎԱՆ 5 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19 156,33 դրամ ԱՐԾԱԹ - 267,82 դրամ ՊԼԱՏԻՆ - 14 953,25 դրամ

ԼՂՀ ԱԺ ընտրություններն անցկացվել են միջազգային չափանիշներին համապատասխան. Եվրախորհրդարնի ներկայացուցիչներ

«Ընդհանուր առմամբ ընտրական գործընթացը իրականացվել է միջազգային չափանիշներին համապատասխան, ինչը կարելի է ոչ միայն առաջընթաց համարել, այլև նախանշել որպես ժողովրդավարության և օրենքի գերակայության հստակ միաձուլում Լեռնային Ղարաբաղի Հանրապետությունում»: Այս մասին ասված է ԼՂՀ  խորհրդարանական ընտրություններին իրականացրած դիտորդական առաքելության  վերաբերյալ Եվրախորհրդարնի Արցախի խմբի պատվիրակության զեկույցում:

Եվրոպական խորհրդարանում Արցախ խմբի նախագահ Ֆրանկ Էնգելի ղեկավարած պատվիրակությունը, որը կազմված էր ԵԽ պատգամավորներից և ուղեկցող անձնակազմից, դիտորդական առաքելություն է իրականացրել մայիսի 2-4-ը՝գործակցելով ԵՄ անդամ երկրների այլ խորհրդարանականների հետ:

 Դիտորդական առաքելությունն անցկացվել է համաձայն Եվրոպական խորհրդարանի գործելակերպի՝ հանդիպելով բոլոր թեկնածուներին, շրջելով ավելի քան 20 ընտրատեղամասում, հետևելով որոշ ընտրատեղամասերի բացմանը, քվեաթերթիկների հաշվարկմանը և ընտրատեղամասերի փակմանը:

 Առաքելության ամփոփիչ զեկույցում նշվում է, որ ոչ վստահված անձինք, և ոչ էլ ընտրողները ընտրական օրենսգրքի խախտումներ չեն արձանագրել: Նշվում են որոշ թերացումներ, որոնք ընդհանուր առմամբ չեն խոչընդոտել ժողովրդավարական ընտրությունների ընթացքին:

 «Այս ընտրություններին մասնակցել են ընտրողների շուրջ 71%-ը, ինչն ավելի բարձր ցուցանիշ է, քան ԵՄ մի շարք երկրների ընտրողների մասնակցության ցուցանիշը։ Ընտրական գործընթացների որակը ցույց է տալիս Լեռնային Ղարաբաղի ժողովրդի նվիրվածությունը ժողովրդավարության սկզբունքներին, և ապացուցում է ԼՂՀ ինստիտուտների օրինականությունը»,- ասված է զեկույցում:  

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 82%
Քամի՝ 11.27 կմ/ժ
5 C°
 
  15° 
29.03.2017
  15° 
30.03.2017
Հարցում

Ակնկալո՞ւմ եք լարվածության ավելի մեծ աճ Թուրքիա-ԵՄ հարաբերություններում։