ԵՐԵՎԱՆ 18 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19,729.96 դրամ ԱՐԾԱԹ - 261.11 դրամ ՊԼԱՏԻՆ - 14,894.02 դրամ

«Հայաստանի մանուկներ». Դի Կապրիոյի նվիրաբերած գումարը կմեկնի Լոռի

Starslife.ru

2016 թվականի դեկտեմբերի 9-ին Հայաստանի մանուկներ հիմնադրամի տարեկան դրամահավաք-երեկույթին մասնակցեց օսկարակիր Լեոնարդո Դի Կապրիոն: 65 հազար դոլարով նա գնեց նկարիչ Ջո Բրադլիի նկարը, որն աճուրդի էր դրված:

Ինչպես հայտնում է Sputnik Արմենիան, Հայաստանի մանուկներ հիմնադրամի մարքեթինգի գծով կոորդինատոր Հասմիկ Սարգսյանն այդ պահին Նյու Յորքում էր, հենց այն սրահում, որտեղ ժամանեց դի Կապրիոն: Բոլորի համար անկանկալ էր. ճիշտ է` գիտեին, որ նա խոստացել էր գալ, բայց չէին սպասում, որ խիստ զբաղված գրաֆիկով մարդը ժամանակ կհատկացնի ու կժամանի:

«Միջոցառմանը եկավ շատ ավելի ուշ, քան մյուս մասնակիցները, կարմիր գորգով չանցավ, համեստ մտավ սրահ, առանց իր անձի վրա լրացուցիչ ուշադրություն գրավելու, նստեց իր համար նախատեսված տեղում: Երբ տեսանք նրան, շատ ոգևորվեցինք, բայց փորձեցինք մեզ մի քիչ համեստ պահել»,- ժպիտով պատմեց մեր զրուցակիցը: Դրամահավաք-երեկույթին ընդհանուր առմամբ հավաքվեց 3 միլիոն դոլար: Գումարն ուղղվելու է Լոռու մարզում ՍՄԱՐԹ կենտրոնի կառուցմանն ու ՍՄԱՐԹ ծրագրերի իրականացմանը։

«ՍՄԱՐԹ կենտրոնն ինովացիոն կրթական համալիր է լինելու, ոչ միայն զուտ տեխնոլոգիական կրթություն է ապահովելու, այլև գյուղական համայնքներին օգնելու է տարբեր հմտություններ ձեռք բերել, որոնք հետագայում զարգացման, մասնագիտական կողմնորոշման և լրացուցիչ եկամուտ ունենալու հնարավորություն կտան»,-պատմեց նա: 


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 70%
Քամի՝ 17.70 կմ/ժ
19 C°
 
20°  32° 
19.08.2017
20°  33° 
20.08.2017
Հարցում

Արդյո՞ք ԱՄՆ-Ռուսաստան հարաբերությունների լարվածությունն առաջիկայում էլ ավելի կսրվի: