Թրամփի մերձավորարևելյան շրջագայությունը, կամ շտկելով Օբամայի «սխալները»
Ահաբեկչությունը հովանավորելու վերաբերյալ Իրանին ուղղված ԱՄՆ նախագահ Դոնալդ Թրամփի մեղադրանքներն ուղղակի անընդունելի են: Այս մասին երեկ լրագրողների հետ ճեպազրույցի ժամանակ հայտարարել է Իրանի ԱԳՆ խոսնակ Բահրամ Քասեմին՝ մեկնաբանելով Սաուդյան Արաբիայում և Իսրայելում Իրանի հասցեին Թրամփի հնչեցրած հայտարարությունները՝ մասնավորապես ահաբեկչությունը հովանավորելու համար Իսլամական Հանրապետությանը մեկուսացնելու կոչը:
Պետք է նշել, որ Իրանի հետ համագործակցությունից հրաժարվելը, որը Օբամայի վարչակազմին տրվեց բավականին մեծ դժվարությամբ, Թրամփի որդեգրած մերձավորարևելյան քաղաքականության միակ տարբերությունը չէ նախորդ վարչակազմից: Այսպես, Օբամայի վարչակազմը, համենայն դեպս վերջին տարիներին, այլևս հակված չէ Պարսից ծոցի արաբական միապետությունների և մասնավորապես Սաուդյան Արաբիայի նկատմամբ տասնամյակներ շարունակ իրականացվող հովանավորչական քաղաքականությանը: Այժմ Թրամփը փորձում է վերականգնել այս տարածաշրջանում ամերիկյան դիրքերը՝ խրախուսելով Ծոցի միապետությունների հակաիրանական տրամադրությունները:
Ընդ որում, Թրամփի միջնորդությամբ Ծոցի արաբական պետությունների հակաիրանական նախաձեռնություններում ակտիվորեն ներգրավվում է նաև Իսրայելը: Հատկանշական է, որ իր առաջին արտերկրյա շրջագայության ընթացքում Թրամփը Սաուդյան Արաբիայից մեկնեց Իսրայել՝ երկիր, որի հետ Էր-Ռիադը չունի դիվանագիտական հարաբերություններ: Իսրայելական լրատվամիջոցների հաղորդմամբ Թրամփի ինքնաթիռն առաջինն էր, որը Սաուդյան Արաբիայից ուղևորվել է Իսրայել. երկու երկրների միջև օդային հաղորդակցությունը բացակայում է:
Ընդհանրապես, Թրամփի առաջին արտերկրյա շրջագայության մեկնարկային երկրներից՝ Սուդյան Արաբիա, Իսրայել, Պաղեստին, և արված հայտարարություններից տպավորություն է ստեղծվում, որ Իսրայելն ու Սաուդյան Արաբիան Վաշինգտոնից որոշակի երաշխիքներ են ստացել իրենց ոխերիմ թշնամի Իրանի հարցում: Սա իր հերթին որոշակի դրական ֆոն է ստեղծել պաղեստինա-իսրայելական կարգավորման գործընթացի վերսկսման համար: Օբամայի վարչակազմի օրոք Իսրայելի հետ Վաշինգտոնի հարաբերությունները բավականին լարված բնույթ էին ստացել Իրանի հետ միջուկային գործարքի պատճառով: Արդյունքում, պաղեստինա-իսրայելական բանակցություններում ամերիկյան միջնորդության հնարավորությունը գրեթե զրոյացել էր: Այժմ, ամենայն հավանականությամբ, Իրանի հարցում որոշակի երաշխիքներ ստանալուց հետո Իսրայելը հայտարարում է բանակցելու պատրաստակամության մասին, և նույնիսկ Թրամփի այցի նախաշեմին որոշ տնտեսական զիջումներ է անում Պաղեստինին: Թրամփի հետ հանդիպման ժամանակ Իսրայելի հետ անմիջապես բանակցություններ սկսելու պատրաստակամության մասին հայտարարում է նաև Պաղեստինի առաջնորդ Մահմմուդ Աբբասը: Չի բացառվում, որ Պաղեստինի ղեկավարության դիրքորոշման փոփոխության վրա ազդեցություն էր ունեցել Էր-Ռիադը և ոչ միայն. Թրամփը Սաուդյան Արաբիա այցի ընթացքում հանդիպում էր ունեցել նաև մի շարք իսլամական երկրների առաջնորդների՝ այդ թվում Եգիպտոսի նախագահի հետ:
Այսպիսով, Թրամփն իր մերձվորարևելյան քաղաքականությունում ևս մեկ շրջադարձ է կատարում իր նախորդի վարած քաղաքականությունից: Ամերիկյան ներկայիս վարչակազմը չի ցանկանում ուղղակի վերականգնել պաղեստինա-իսրայելական բանակցային գործընթացը, այլ մտադիր է դրանում համակարգող դեր ստանձնել:
Սակայն հարկ է նշել, որ դեռևս հստակ տեսլական մերձավորարևելյան քաղաքականության հարցում Թրամփը չի հրապարակում. դեռևս հայտնի են միայն կողմերը, որոնց հետ և որոնց դեմ Վաշինգտոնն առաջիկայում պատրաստվում է համագործակցել:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 17%
Քամի՝ 2,06 կմ/ժ