ԵՐԵՎԱՆ 9 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 20 111,04 դրամ ԱՐԾԱԹ - 266,17 դրամ ՊԼԱՏԻՆ - 14 561,78 դրամ

Ազնավուրն օգոսոտոսի 24-ին Փառքի ծառուղում իր անվանական աստղը կստանա

www.armradio.am

Աշխարհահռչակ շանսոնյե Շարլ Ազնավուրն օգոստոսի 24-ին կայանալիք Անվանական աստղերի բացման արարողությանը Հոլիվուդի Փառքի ծառուղում իր անվանական աստղը կստանա, հայտնում է News.am-ը:

«Շարլ Ազնավուրն աշխարհահռչակ երգիչ է, ում ճանաչում են ամբողջ աշխարհում ու սիրում բոլոր սերունդները: Նրա ֆրանսիացի հայրենակիցները ուրախ կլինեն Հոլիվուդի Փառքի ծառուղում տեսնել Շարլ Ազնավուրի անվանական աստղը», - ասել է Փառքի ծառուղու արարողությունների կազմակերպիչ Աննա Մարտինեսը:

Փառքի ծառուղում անվանական աստղ ստանալու համար Ազնավուրի թեկնածությունը առաջարկել էր Քալիֆորնիայի Սենատի նախագահ Թեմ Քևին դե Լեոնը, ով ելույթ է ունենալու Անվանական աստղի բացման արարողության ընթացքում։

Նշենք, որ նախորդ տարի 93-ամյա Ազնավուրն ԱՄՆ հայ համայնքի կողմից Փառքի ծառուղու անվանական հուշատախտակ էր ստացել՝ արվեստի ոլորտում ունեցած ավանդի համար:

Լեգենդար շանսոնյեի հետ Փառքի ծառուղում աստղ կստանան նաև Լին Մանուել Միրանդան, Snoop Dogg-ը, ICE T-ն, Քիրսթեն Դանսթը, Ջեֆ Գոլդբլյումը, Սայմոն Քոուելը, Մերի Ջի Բլայջը, Շոնդա Ռայմսը, Լինդա Քարթերը, Սըր Ռիչարդ Բենսոնը, Ջենիֆեր Լոուրենսը, Ջինա Լոլոբրիջիտան, Ջիլիան Անդերսոնը։

93-ամյա Շառլ Ազնավուրն ավելի քան 1200 երգ է հեղինակել և վաճառել 800 մլն սկավառակ։ Նրան կոչում են ֆրանսիական «Ֆրենկ Սինատրա»։ Նա մինչ օրս համարվում է աշխարհում ամենասիրված շանսոնյեներից մեկը։


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 45%
Քամի՝ 11.27 կմ/ժ
9 C°
 
  16° 
18.10.2017
  17° 
19.10.2017
Հարցում

Արդյո՞ք Ղարաբաղյան հակամարտության կարգավորման գործընթացը դուրս կգա փակուղուց Սարգսյան-Ալիև հանդիպումից հետո: