Լևոն Արոնյանը մասնակցում է ՖԻԴԵ-ի Գրան Պրիի եզրափակիչ փուլին

• 16.11.2017, 15:55
•  Հայաստան,  No-politics

Աղբյուրը՝ մրցաշարի պաշտոնական կայքի

Այսօր Իսպանիայի Պալմա դե Մալյորկայում մեկնարկում  է ՖԻԴԵ-ի Գրան Պրիի վերջին՝ 4-րդ փուլի խաղարկությունը (շվեյցարական մրցակարգ, ինը տուր), հայտնում է ՀԱՕԿ լրատվական բաժինը:

Մրցաշարին մասնակցում է 18 գրոսմայստեր, այդ թվում Լևոն Արոնյանը (Հայաստան), Մաքսիմ Վաշյե-Լագրավը (Ֆրանսիա), Հիկարու Նակամուրան (ԱՄՆ), Դին Լիժենը (Չինաստան), Պյոտր Սվիդլերը (ՌԴ), Անիշ Գիրին (Նիդեռլանդեր) և ուրիշներ:

Նոյեմբերի 15-ին կայացել է մրցաշարի բացման արարողությունը, իսկ այսօր կայանալիք առաջին տուրում Լևոն Արոնյանը սևերով կխաղա ռուսաստանցի Դմիտրի Յակովենկոյի հետ:

Մրցաշարը կավարտվի նոյեմբերի 25-ին: