ԵՐԵՎԱՆ 20 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19 194,29 դրամ ԱՐԾԱԹ - 244,39 դրամ ՊԼԱՏԻՆ - 12 845,66 դրամ

Հետախույզի թունավորումը՝ Մոսկվա-Լոնդոն հարաբերությունների սրման պատճառ

alwasatnews.com

Ռուսաստանի Գլխավոր հետախուզական վարչության նախկին գնդապետ Սերգեյ Սկրիպալը, ով դատապարտվել էր պետական դավաճանության համար, մարտի 4-ին դստեր հետ միասին Սոլսբերիում (Բրիտանիա) հայտնաբերվել էր անգիտակից վիճակում: Սկրիպալը Բրիտանիայում ապաստան էր ստացել դեռ 2010թ.՝ Ռուսաստանի և ԱՄՆ-ի միջև հետախույզների փոխանակումից հետո:

Բրիտանիայի իշխանությունների տվյալներով՝ նրանց թունավորել են ռուսական արտադրության նյարդակաթվածային նյութով: Ելույթ ունենալով բրիտանական խորհրդարանում՝ վարչապետ Թերեզա Մեյն ուղղակիորեն մեղադրել է Ռուսաստանին՝ Սերգեյ Սկրիպալի և նրա դստեր՝ Յուլյայի թունավորման մեջ: Ի պատասխան՝ Ռուսաստանի արտգործնախարարությունը հերքել է այդ մեղադրանքները:

Լոնդոնում ՌԴ դեսպանությունը «Ֆորին օֆիսին» ուղղված պաշտոնական հայտագրում նշել է, որ անհրաժեշտ է համատեղ հետաքննություն անցկացնել, սակայն Բրիտանիայում Ռուսաստանի առաջարկը չեն ընդունել, փոխարենը ներկայացրել են վերջինիս դեմ ձեռնարկվելիք դիվանագիտական և քաղաքական միջոցառումները.

- Բրիտանիան կպահանջի 23 ռուս դիվանագետների հեռանալը երկրից,

- կչեղարկի Լոնդոն այցելելու՝ Սերգեյ Լավրովին ուղարկված հրավերը,

- Բրիտանիա ժամանող՝ Ռուսաստանի քաղաքացիների նկատմամբ խիստ վերահսկողություն կսահմանի,

- Բրիտանիայի թագավորական ընտանիքն ու պաշտոնատար անձինք չեն մեկնի Ռուսաստան՝ ներկա գտնվելու ֆուտբոլի աշխարհի առաջնությանը, և այլն, հայտնում է BBC-ն:

Մերժելով Ռուսաստանի՝ համագործակցության առաջարկը, պաշտոնական Լոնդոնը հրաժարվել է նաև Ռուսաստանին ուղարկել նյարդակաթվածային նյութի նմուշը: Այս մասին հայտարարել է Բրիտանիայի արտգործնախարար Բորիս Ջոնսոնը:

Այս մեղադրանքներն ու հայտարարությունները Ռուսաստանի արտգործնախարարությունն անպատասխան չի թողնում. մասնավորապես, ԱԳՆ մամուլի խոսնակ Մարիա Զախարովան հայտարարել է, որ Սկրիպալի գործն Արևմուտքն ուզում է կապել Սիրիայում քիմիական զենքի օգտագործման հետ՝ «այժմ էլ ներկայացնելով՝ իբր Ռուսաստանը քիմիական զենք է օգտագործել Բրիտանիայի տարածքում»: Իսկ Բրիտանիայի կողմից համագործակցության առաջարկի մերժումը, ըստ ՌԴ ԱԳՆ-ի, նպատակ ունի թաքցնել դեպքի իրական հանգամանքները:

Ռուսաստանի արձագանքների արդյունքում ավելի են սրվում հարաբերությունները Մոսկվայի և Լոնդոնի միջև:

Բացի այդ, Լոնդոնն իր թիկունքում զգում է ԱՄՆ-ի և Ֆրանսիայի աջակցությունը: Մասնավորապես, Ֆրանսիայի արտգործնախարարը հայտարարել է, որ իրենք մտադիր են համաձայնեցնել արձագանքն այդ միջադեպի վերաբերյալ Բրիտանիայի իշխանությունների հետ, իսկ ԱՄՆ-ում նշել են, որ ռուս դիվանագետների նկատմամբ Լոնդոնից հեռանալու պահանջն արդարացի է: Այս ամենը լարվածության թուլացում բնավ չի խոստանում:

Հարաբերությունների լարվածության ֆոնին Ռուսաստանը որպես պատասխան գործողություններ որոշել է կրճատել ՌԴ-ում բրիտանական դիվանագիտական կորպուսի կազմը: Չի բացառվում նաև Բրիտանիային մատակարարվող գազի ծավալների կրճատումը:

Ըստ ՌԴ արտգործնախարարության պաշտոնական հայտարարության՝ Մոսկվայի և Լոնդոնի միջև հարաբերությունների սրման պատասխանատվությունն ամբողջությամբ կրում է Մեծ Բրիտանիան:

 




այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 61%
Քամի՝ 17.70 կմ/ժ
20 C°
 
22°  35° 
20.07.2018
21°  33° 
21.07.2018
Հարցում

Սպասվու՞մ է արդյոք լարվածություն ղարաբաղյան սահմանին: