Մարտակերտ քաղաքում և հարակից բնակավայրերում ինժեներահետախուզական աշխատանքներ են իրականացվում

• 13.02.2021, 13:45
•  ԼՂՀ

Մարտակերտ քաղաքում, Մարտակերտի շրջանի Ճանկաթաղ, Մաղավուզ, Մեծ շեն, Վարնկաթաղ համայնքներում և «Պուշկեն յալ» կոչվող տեղամասում փրկարար ծառայության սակրավորական ջոկատները փետրվարի 13-ին իրականացնում են ինժեներահետախուզական աշխատանքներ՝ ռազմամթերք և այլ պայթուցիկ առարկաներ հայտնաբերելու նպատակով:

Այս մասին տեղեկացնում են Արցախի ներքին գործերի նախարարության արտակարգ իրավիճակների պետական ծառայությունից՝ հավելելով՝ որ հայտնաբերված զինամթերքը կոչնչացվի տեղում։