ԵՐԵՎԱՆ 14 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ղարիբաշվիլին բացատրել է, թե ինչու Վրաստանը պատժամիջոցներ չի կիրառում Ռուսաստանի դեմ

Վրաստանը պատժամիջոցներ չի կիրառում Ռուսաստանի դեմ, քանի որ դրանից կտուժի Վրաստանի բնակչությունը, կառավարության նիստից առաջ հայտարարել է Վրաստանի վարչապետ Իրակլի Ղարիբաշվիլին, փոխանցում է «Նովոստի-Գռուզիան»։

«Երբ խոսքը պատժամիջոցների կիրառման մասին է… Ի՞նչ են ինձանից խնդրում: Որ ես իմ ժողովրդի դեմ պատժամիջոցներ կիրառե՞մ։ Իսկ ո՞վ կտուժի դրանից։ Մեր բնակչությունը, մեր տնտեսությունը, ավելի քան մեկ միլիոն մեր հայրենակիցները, ովքեր չեն կարողանա ֆինանսական գործարքներ իրականացնել և այլն»,- ասել է Ղարիբաշվիլին։

«Ուստի ևս մեկ անգամ ուզում եմ նշել, որ այդ ավելորդ էմոցիաները ոչ մի բանի չեն բերի, հակառակը, վնասում են մեր ազգային շահերին, մեր ժողովրդի շահերին»,- ընդգծել է Ղարիբաշվիլին։

Ընդ որում, նա հավելել է, որ բոլոր միջազգային ձևաչափերի շրջանակներում Վրաստանն աջակցություն է հայտնել Ուկրաինային։ Վրաստանը կողմ է հանդես եկել Ռուսաստանի անդամակցությունը կազմակերպությանը կասեցնելու մասին Եվրախորհրդի որոշմանը, ինչպես նաև աջակցել է ՄԱԿ-ի Անվտանգության խորհրդի բանաձևին։

Նշենք, որ Վրաստանի ամենամեծ ընդդիմադիր «Միացյալ ազգային շարժում» կուսակցությունը կոչ է անում երկրի իշխանություններին մասնակիորեն միանալ Ռուսաստանի դեմ ԵՄ պատժամիջոցներին, որոնք սահմանվել են Ուկրաինայի շուրջ ստեղծված իրավիճակի պատճառով։ «Վրաց ժողովրդի անունից դուք պետք է միանաք օդային տարածքի նկատմամբ Եվրամիության սահմանած պատժամիջոցներին»,- ճեպազրույցի ժամանակ հայտարարել է ՄԱՇ-ի նախագահ Նիկա Մելիան։ Նա նաև պահանջել է արգելել ռուսական ԶԼՄ-ների հեռարձակումը երկրում։

 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 33%
    Քամի՝ 1,03 կմ/ժ
    14 C°
     
    21°   
    19.05.2024
    22°   
    20.05.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: