ԵՐԵՎԱՆ 31 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Դոդոնը հայտնել է Մոլդովայի՝ Ռումինիային միանալու նախապատրաստության մասին

lragir.am

Մոլդովայի նախկին նախագահ Իգոր Դոդոնը հայտարարել է Ռումինիային ռազմական և քաղաքական միացման նախապատրաստման մասին և զգուշացրել է երկիրը «արյունալի տարածաշրջանային պատերազմի» մեջ ներքաշվելու վտանգի մասին։

«Նախապատրաստվում է մեր երկրի ռազմական և քաղաքական միացումը Ռումինիայի տարածքին: Միակցմանը տեխնիկապես պատրաստվելու համար անհրաժեշտ էր, որ Մոլդովայի Հանրապետությունը ցույց տա իր անկարողությունը ինքնուրույն ապահովելու տնտեսական, էներգետիկ և տարածքային անվտանգությունը: Պետք էր բարոյալքել քաղաքացիներին, որպեսզի նրանք դադարեին հավատալ իրենց երկրին»,- չորեքշաբթի գրել է Դոդոնը Telegram-ի իր ալիքում։

Նա ուշադրություն է հրավիրել այն հանգամանքին, որ այսօր սպառնալից իրավիճակ է տիրում էներգետիկայի, պարենային անվտանգության, սոցիալական ոլորտում։ Ճգնաժամը սրվում է հակառուսական պատժամիջոցներին Մոլդովայի միացմամբ, արևմտյան երկրների կողմից Մոլդովայի պաշտպանունակության բարձրացման անհրաժեշտության շուրջ խորհրդակցություններով։

«Կա տարածաշրջանային արյունալի պատերազմի մեջ ներքաշվելու և պետականությունը կորցնելու իրական վտանգ»,- կարծում է նախկին նախագահը։
Նրա խոսքով, «պարզ է, որ Մայա Սանդուն (Մոլդովայի նախագահ) և նրա արտաքին տերերը հետևում են ուկրաինական սցենարին՝ հրահրելով իրավիճակի կանխամտածված ապակայունացում», մինչդեռ Արևմուտքը «ցանկանում է օգտագործել մոլդովացիներին որպես «թնդանոթի մսացու» աշխարհաքաղաքական ճակատամարտում»։

«Ըստ էության, այդ բոլոր սպառազինման գործընթացները և հակառուսական հիստերիան կազմակերպվում են միտումնավոր՝ արդարացնելու ՆԱՏՕ-ի զորքերի ներկայությունը Մոլդովայի Հանրապետության տարածքում»,- ասել է նա։


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 18%
    Քամի՝ 0,51 կմ/ժ
    32 C°
     
    34°  20° 
    20.06.2024
    33°  19° 
    21.06.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: