ԵՐԵՎԱՆ 17 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Արևմուտքը Վուչիչից պահանջել է 24 ժամում հասնել Կոսովոյում սերբական արգելապատնեշների քանդման

Մեծ Բրիտանիայի, Գերմանիայի, Իտալիայի, ԱՄՆ-ի և Ֆրանսիայի դեսպանները Սերբիայի նախագահ Ալեքսանդր Վուչիչից պահանջել են 24 ժամվա ընթացքում հասնել Կոսովո և Մետոքիայի հյուսիսում կանգնեցված արգելապատնեշների քանդման։ Այս մասին Արմենպրես-ի հաղորդմամբ տեղեկացնում է ТАСС գործակալությունը:

Դեսպանները նման պահանջով նամակ են հղել Սերբիայի ղեկավարին՝ սպառնալով, որ հակառակ դեպքում չեն խագնարի չճանաչված Կոսովոյի վարչապետ Ալբին Կուրտիի՝ իրավիճակն ինքնուրույն կարգավորելու փորձերին: Վերջինս ընդգծել էր, թե տարածաշրջանի հյուսիսում արգելապատնեշների վերացումը «չի կարող բացառել զոհերը», հայտնել է Pink հեռուստաալիքը: Ավելի վաղ Սերբիայի զանգվածային լրատվամիջոցները հայտնել էին, որ դեկտեմբերի 25-ին, տեղի ժամանակով մոտավորապես 19:45-ին (Երևանի ժամանակով 22:45-ին) Կոսովո և Մետոքիայի Ինքնավար Երկրամասի հյուսիսում՝ Զուբին Պոտոկ բնակավայրից ոչ հեռու, Կոսովոյի ոստիկանության հատուկ նշանակության ստորաբաժանումները հարձակվել են արգելապատնեշներին գտնվող սերբերի վրա: Այդ միջադեպից հետո Սերբիայի նախագահ Ալեքսանդր Վուչիչը խորհրդակցություններ է անցկացրել վարչապետ Անա Բռնաբիչի և երկրի զինված ուժերի հրամանատարության հետ։ Սերբիայի զինված ուժերի Գլխավոր շտաբի պետ գեներալ Միլան Մոյսիլովիչը հայտարարել է, որ իրավիճակը Սերբիայի Կոսովո և Մետոքիայի Ինքնավար Երկրամասի հյուսիսում բարդ է և պահանջում է հանրապետության զինված ուժերի ներկայությունն ինքնավար երկրամասի և երկրի կենտրոնական մասի միջև վարչական գծի երկայնքով:

Իրավիճակը Կոսովո և Մետոքիայում կտրուկ սրվել է դեկտեմբերի 6-ին, երբ չճանաչված կազմավորման հատուկ ջոկատայինները Կոսովոյում Եվրամիության առաքելության պարեկների ուղեկցությամբ սկսել են գրավել Կոսովո և Մետոքիայի հյուսիսում ընտրական հանձնաժողովների շենքերը: Սերբ բնակչությունը տարերայնորեն կազմակերպվել է և հակահարված  տվել կոսովացիներին, որոնք անցել են Իբար գետից այն կողմ: Դեկտեմբերի 8-ին Կոսովոյից մոտ 350 ոստիկաններ զրահամեքենաներով ներխուժել են սերբաբնակ ինքնավար երկրամասի հյուսիս և շրջափակել Կոսովսկա Միտրովիցայի հյուսիսային մասը։ Դեկտեմբերի 10-ին Կոսովոյի ոստիկանությունը Կոսովսկա Միտրովիցայում ձերբակալել է սերբ նախկին ոստիկան Դեյան Պանտիչին։ Ի պատասխան՝ սերբ բնակչությունն արգելապատնեշներով փակել է մի քանի բնակավայրերի ճանապարհները: 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 59%
    Քամի՝ 0 կմ/ժ
    17 C°
     
    34°  22° 
    20.06.2024
    33°  20° 
    21.06.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: