Փեշավարում մզկիթի պայթյունի հետևանքով զոհերի թիվը հասել է 90-ի

Պակիստանի հյուսիս-արևմուտքում գտնվող Փեշավար քաղաքի մզկիթում ահաբեկչության հետևանքով զոհերի թիվը հասել է 90-ի, հաղորդում է Radio Pakistan ռադիոկայանը:

Ավելի վաղ հաղորդվել էր 72 զոհի մասին, փոխանցում է ՌԻԱ Նովոստին։

«Փեշավարում պայթյունի հետևանքով մահացածների թիվը հասել է 90-ի, փրկարարական գործողությունը շարունակվում է, կատարվում է փլատակների հեռացում»,-ասված է հաղորդագրության մեջ:

Հիշեցնենք, որ մզկիթում պայթյունը տեղի է ունեցել հունվարի 30-ին, աղոթքի ժամանակ։ Ականատեսների խոսքով` մզկիթում եղել է ավելի քան 100 մարդ, հավաքվածների մեծ մասը եղել են ոստիկանության, բանակի և սակրավորական ստորաբաժանումների ներկայացուցիչներ: Պայթյունն իրականացրել է մահապարտ ահաբեկիչը։ Մզկիթի մի մասը և շենքի տանիքը փլուզվել են։