ԵՐԵՎԱՆ 20 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

«Օտարերկրյա ազդեցության գործակալների մասին» օրենքը՝ Վրաստանի ազգային շահի և արևմտյան շահերի բախման կետ

Օտարերկրյա գործակալների մասին օրինագիծը հետ է կանչվել Վրաստանի խորհրդարանից։ Այս մասին նշվում է խորհրդարանական մեծամասնության համատեղ տարածած հայտարարության մեջ, փոխանցում է Sputnik Грузия-ն։

Թբիլիսիի կենտրոնում մարտի 8-ի լույս 9-ի գիշերը շարունակվել է բողոքի ակցիան և ցուցարարների ուժով ցրելը։ Apsny.ge-ի փոխանցմամբ, հատուկ ջոկատայինները ջրցան մեքենաների և արցունքաբեր գազի կիրառմամբ մի քանի անգամ ցուցարարներին դուրս է  հանել Ռուսթավելի պողոտայից։

Հիշեցնենք, որ Թբիլիսիում ինքնաբուխ ակցիաները կապված են խորհրդարանի կողմից «Օտարերկրյա ազդեցության գործակալների մասին» օրենքի առաջին ընթերցմամբ ընդունման հետ: Եվրամիության կողմից դժգոհության հերթական ալիքից հետո, որն առաջացել էր այն բանից հետո, որ Թբիլիսին դեռևս կալանքի տակ է պահում նախկին նախագահ Միխեիլ Սաակաշվիլիին և չի կիրառում հակառուսական պատժամիջոցներ, Վրաստանի խորհրդարանն առաջին ընթերցմամբ ընդունեց օտարերկրյա գործակալների մասին օրինագիծը, որն  ըստ հեղինակների «ամերիկյան» նախագիծ է, ըստ ընդդիմության՝ «ռուսական»։

Հարկ է նշել, որ «Օտարերկրյա գործակալների» փաթեթը պայմանական անուն է, դրանում երկու օրինագծեր են՝ «Օտարերկրյա ազդեցության մասին» և «Օտարերկրացի գործակալների գրանցման մասին»: Երկու օրինագիծն էլ հեղինակել է «Ժողովրդի ուժ» շարժումը, որը համարվում է խորհրդարանում մեծամասնություն ապահոված «Վրացական երազանքի» զինակիցն ու գործընկերը: Փաստաթղթի համաձայն՝ շահույթ չհետապնդող իրավաբանական անձինք և լրատվամիջոցները կստանան օտարերկրյա ազդեցության գործակալի կարգավիճակ, եթե նրանց եկամուտների ավելի քան 20%-ը ստացվի արտերկրից։ Նման կազմակերպությունները պետք է պարտադիր գրանցում անցնեն։ Եթե ​​ինչ-ինչ պատճառներով նրանք դա չանեն, ապա կտուգանվեն, և Դատարանը կարող է հետաքննություն սկսել: Ընդ որում, դրա վճարումը թույլ չի տա խուսափել գրանցումից:

Հատկանշական է, որ արևմտյան և մասնավորապես եվրոպական մի շարք գործիչներ բաց տեքստով հանդես են եկել տվյալ օրինագծի դեմ, նշելով որ Վրաստանը շեղվում է ԵՄ-ին ու ՆԱՏՕ-ին անդամակցելու իր օրակարգից, որ այդ օրենքի ընդունումը հակասում է Վրաստանի՝ եվրաինտեգրման գործընթացին ու շահերին: Ասվում է, որ օրինագիծն անհամատեղելի է Եվրամիության արժեքների և չափանիշների հետ։ Այն հակասում է Եվրամիությանն անդամակցելու Վրաստանի հայտարարած նպատակին, որին աջակցում է Վրաստանի քաղաքացիների ճնշող մեծամասնությունը: Ուշագրավ է Վրաստանում ԱՄՆ դեսպանության տարածած հաղորդագրությունը. «Սև օր է եկել վրացական ժողովրդավարության համար: Կրեմլից ոգեշնչված օրենքի քննարկումը խորհրդարանում անհամատեղելի է Եվրոպային ինտեգրվելու և երկրի ժողովրդավարական զարգացման Վրաստանի հստակ ձգտման հետ։

Նման օրենքի ընդունումը կվնասի ռազմավարական գործընկերների հետ Վրաստանի հարաբերություններին և կխաթարի այն կարևոր աշխատանքը, որն իրենց համաքաղաքացիներին օգնելու համար անում են վրացական շատ կազմակերպություններ։ Այս գործընթացը հարցեր է առաջացնում իշխող կուսակցության՝ եվրաատլանտյան ինտեգրման իրական հանձնառության վերաբերյալ», - ասված դեսպանատան տարածած հայտարարության մեջ:

Ամփոփելով իրադարձությունների ու հայտարարությունների շղթան կարծես տպավորություն է ստեղծվում, որ չնայած Վրաստանում իշխող վերնախավի հավատարմությանը Եվրամիությանն ու ՆԱՏՕ-ին անդամակցելու կուրսին, այնուամենայինիվ Արևմուտքը փորձում է պատժել կամ զսպել վրացական իշխանություններին: Եվ կարծես թե Վրաստանի կառավարության «մեղքը» կայանում է նրանում, որ չի ներքաշվում Ռուսաստանի հետ առճակատման մեջ, ավելին, ձգտում է հեռու մնալ հակամարտությունից։  Սա լիովին համահունչ է Վրաստանի ազգային շահերի հետ, սակայն բոլորովին չի համապատասխանում ԱՄՆ-ի և եվրոպական շահերին։


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 26%
    Քամի՝ 1,03 կմ/ժ
    20 C°
     
    27°  15° 
    25.04.2024
    29°  17° 
    26.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: