ԵՐԵՎԱՆ 9 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ամենայն հայոց կաթողիկոսը դեմ է արտահայտվել պատրիարք Կիրիլի դեմ պատժամիջոցներին

© Photo : пресс-служба Патриарха Московского и всея Руси

Ամենայն հայոց կաթողիկոս Ն.Ս. Օ. Տ. Տ. Գարեգին Բ-ն խստորեն դատապարտել է մի շարք երկրների կողմից Մոսկվայի և Համայն Ռուսիո պատրիարք Կիրիլի նկատմամբ կիրառված պատժամիջոցները: Նա նաև նշել է Ռուսաստանի, Հայաստանի և Ադրբեջանի հոգևոր առաջնորդների եռակողմ համագործակցության կարևորությունը տարածաշրջանում խաղաղության հաստատման համար։  Այս մասին ՏԱՍՍ-ին հայտնել է Ռուսաստանի ուղղափառ եկեղեցու Երևան-Հայաստանի թեմի ժամանակավոր կառավարիչ, Աֆրիկայի էկզարխ Պատրիարք, Կլինի միտրոպոլիտ Լեոնիդը` ամփոփելով Գարեգին Բ-ի հետ հանդիպման արդյունքները։

«Գարեգին կաթողիկոսն իր խիստ բացասական կարծիքն արտահայտեց պատրիարք Կիրիլի նկատմամբ պատժամիջոցների վերաբերյալ (պատրիարքի նկատմամբ սահմանափակումներ են մտցրել Մեծ Բրիտանիան, Կանադան և Ավստրալիան- խմբ.):  Հայ Առաքելական և Ռուս Ուղղափառ եկեղեցիների միջև բազմամյա բարի, եղբայրական հարաբերություններն անփոփոխ են»,-ասել է միտրոպոլիտ Լեոնիդը։

Նրա խոսքով, Գարեգին Բ-ի հետ բանակցությունների ընթացքում բարձրացվել են երկկողմ հարաբերությունների հարցեր։ Հոգևոր առաջնորդները քննարկել են նաև համագործակցության եռակողմ ձևաչափը. նախկինում Պատրիարք Կիրիլը, Ամենայն Հայոց Պատրիարք-Կաթողիկոս Գարեգին Երկրորդը և Կովկասի մահմեդականների գրասենյակի ղեկավար Ալլահշուքյուր Փաշազադեն բազմիցս են հանդիպել:

«Եռակողմ համագործակցությունը նպաստում է երկրների և ժողովուրդների միջև փոխադարձ հարգանքով հարաբերությունների հաստատմանը։ Վեհափառ Հայրապետի [Պատրիարք Կիրիլի] անձնական հսկողությամբ լուծվել է Դադիվանքի վանքի մշակութային ժառանգության պահպանման հարցը, ինչի մասին առանձին նշել է Գարեգին կաթողիկոսը»,- ասել է միտրոպոլիտ Լեոնիդը։

Նա նշել է, որ իրավիճակն այս ուղղությամբ «հեռու է կատարյալ լինելուց» և հավելել է, որ Ռուս Ուղղափառ եկեղեցին գործադրում է խաղաղապահության գործընթացին ուղղված բոլոր միջոցներն ու ջանքերը։


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 49%
    Քամի՝ 1,54 կմ/ժ
    8 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: