Բայդենը Լեդի Գագային նշանակել է նախագահին կից արվեստի հանձնաժողովի համանախագահ

• 14.04.2023, 11:03
•  Ամերիկա,  Աշխարհ

Երգչուհի և դերասանուհի Լեդի Գագան Ջո Բայդենի կողմից նշանակվել է նախագահի մշակույթի և արվեստի հանձնաժողովի համանախագահ։ Այս մասին ասված է ամերիկյան առաջնորդի մամուլի ծառայության՝ հինգշաբթի օրը տարածած հայտարարության մեջ։

Փաստաթղթում ընդգծվում է, որ Լեդի Գագան (իսկական անունը՝ Ստեֆանի Ջոան Անջելինա Ջերմանոտա) Grammy-ի 13 մրցանակների դափնեկիր է և դասվում է պատմության մեջ կոմերցիոն առումով ամենահաջողակ կատարողների շարքին:

Time ամսագին ավելի վաղ նրան ներառել է աշխարհի 100 ամենաազդեցիկ մարդկանց ցուցակում։ Նշվում է, որ երգչուհին ակտիվորեն զբաղվում է բարեգործական գործունեությամբ և որոշ հասարակական արշավներով։