ՆԱՏՕ-ն մտադիր է Վիլնյուսում կայանալիք գագաթաժողովում դիտարկել Ուկրաինայի անվտանգության երաշխիքները

• 20.04.2023, 18:18
•  Եվրոպա,  Ամերիկա,  Աշխարհ

Հուլիսին Վիլնյուսում կայանալիք ՆԱՏՕ-ի գագաթաժողովում քննարկվելու են Ուկրաինայի անվտանգության երաշխիքները։Այս մասին հայտարարել է Հյուսիսատլանտյան դաշինքի գլխավոր քարտուղար Յենս Սթոլթենբերգը իրավիճակի սրման սկզբից ի վեր Ուկրաինա կատարած իր առաջին այցի ժամանակ, փոխանցում է ՏԱՍՍ-ը: 

«Ես հասկանում եմ, որ նախագահ [Վլադիմիր] Զելենսկին Վիլնյուսում ՆԱՏՕ-ի գագաթաժողովում կբարձրացնի Ուկրաինայի անդամակցության և Ուկրաինայի անվտանգության երաշխիքների հարցերը, դա կլինի օրակարգի առաջնահերթություններից։ Այնուամենայնիվ, ներկայումս ՆԱՏՕ-ի գլխավոր նպատակը պետք է լինի երաշխավորել, որ Ուկրաինան հաղթի, քանի որ դա է հանդիսանում Ուկրաինայի ապագա անդամակցության վերաբերյալ բովանդակալից քննարկման միակ միջոցը»,- ասել է նա:

Միաժամանակ Ստոլտենբերգն ընդգծել է, որ «ՆԱՏՕ-ի դռները բաց են մնում» Ուկրաինայի համար։Նա նաև խոստացել է, որ յուրաքանչյուր օր մինչև Վիլնյուսի գագաթաժողովը ՆԱՏՕ-ի գլխավոր թեման կմնա Ուկրաինային ռազմական օգնության ավելացումը։