ԵՐԵՎԱՆ 3 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Արևմտյան երկրները փորձում են ազդել ԵԱՏՄ-ում ՌԴ–ի դաշնակիցների դիրքորոշումների վրա

© Sputnik / Кирилл Каллиников

 

Արևմտյան երկրները փորձում են ազդել ԵԱՏՄ-ում Ռուսաստանի դաշնակիցների դիրքորոշումների վրա, այդ թվում՝ սպառնալով երկրորդական պատժամիջոցներով, սակայն ԵԱՏՄ-ի ընդհանուր ջանքերի շնորհիվ դաշնակիցներին հաջողվում է դիմակայել ճնշմանը։ Այս մասին ՌԻԱ Նովոստիին ասել է ՌԴ ԱԳՆ ԱՊՀ երկրների առաջին վարչության տնօրեն Միքայել Աղասանդյանը։
«Միջազգային հարաբերությունների ներկա փուլում որոշ երկրների համար սովորական է դարձել ճնշումների և շանտաժի միջոցով հասնել իրենց նպատակներին, նույնիսկ եթե այդ նպատակները չունեն լեգիտիմ հիմք: Ցավոք, այսօր ոչ բարեկամ պետությունները փորձում են ազդել ԵԱՏՄ մեր դաշնակիցների դիրքորոշման վրա, այդ թվում՝ երկրորդական պատժամիջոցների կիրառման սպառնալիքներով»,- ասել է Աղասանդյանը։
Միևնույն ժամանակ նա նշել է, որ Արևմուտքին «բոլորովին չի հետաքրքրում, որ նման միջոցառումները ԵԱՏՄ երկրների համար հանգեցնում են տարբեր մասշտաբների տնտեսական կորուստների և, ըստ էության, խաթարում են ԵԱՏՄ տնտեսությունների կայունությունն ու բարեկեցությունը»։
Միքայել Աղասանդյանի խոսքով՝ «միասնական ջանքերի շնորհիվ Միությանը հաջողվում է դիմակայել արտաքին աննախադեպ ճնշմանը»։
ԵԱՏՄ-ի շրջանակներում լուրջ աշխատանք է կատարվել, համատեղ միջոցառումներ են ձեռնարկվել, որոնք ուղղված են միության անդամ երկրների տնտեսությունների կայունության բարձրացմանը, ԵԱՏՄ երկրների ձեռներեցներին և քաղաքացիներին աջակցություն ցուցաբերելուն՝ օգտագործելով գոյություն ունեցող մեխանիզմներն ու գործիքները։

 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 38%
    Քամի՝ 6,69 կմ/ժ
    3 C°
     
      -2° 
    26.02.2024
      -2° 
    27.02.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: