ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Վրաց փորձագետ. ՀՀ-ին պետք է ընդգրկել տարածաշրջանային ծրագրերում

Միջազգային խնդիրներով զբաղվող վրացի փորձագետ, Ուկրաինայի նախկին նախագահ Վ. Յուշչենկոյի խորհրդական Իրակլի Գոգավան, հայտարարել է, որ անհրաժեշտ է Հայստանին անհապաղ ընդգրկել տարածաշրջանային ծրագրերում: Խոսքն, առաջին հերթին, աբխազական երկաթգծի շահագործման մասին է: Փորձագետը կոչ է արել Թբիլիսիին լինել ողջամիտ և հաշվի առնել երկաթգծի շահագործումից Վրաստանին սպասվող եկամուտները՝ մի կողմ դնելով քաղաքական հակասությունները Ռուսաստանի հետ: Գոգավան հայտարարել է, թե Աբխազիայի տարածքով անցնող երկաթգծի բացումն ամենքիչը 300 միլիոն դոլարի տարեկան եկամուտ կապահովի Վրաստանին:

Փորձագետը հետաքրքրական է համարում Իրան-Հայաստան-Վրաստան-Ռուսաստան գազատարի, ինչպես նաև Ադլեր-Թբիլիսի-Երևան-Թավրիզ երկաթգծի նախագծերը: Նախագիծը նա համարում է հեռանկարային Թուրքմենստանից, Պակիստանից, Հնդկաստանից, Իրաքից Եվրոպա և հակադարձ ուղղությամբ բեռներ փոխադրելու տեսանկյունից (աղբյուրը՝ novoteka.ru): Փորձագետը նաև նշում է, որ երկաթգծի շահագործման փաստը, հազիվ թե, խանդավառությամբ ընդունվի Ադրբեջանի կողմից, սակայն կարելի է հստակ պայմանավորվածություն ձեռք բերել, որ դրանով ռազմական բեռներ չեն տեղափոխվի Ռուսաստանից Հայաստան: 

Այս ծրագրերը տնտեսապես իրոք շահավետը են ոչ միայան Հայաստանի և Վրաստանի համար, այլև տարածաշրջանային մյուս դերակատարների համար: Մեր պարագայում` ՀՀ-ն ավիացիոն փոխադրումներին այլընտրանք կդարձնի երկաթուղային հաղորդակցությունը, որն անհամեմատ ավելի էժան է, արդյունավետ և ապահով: Բացի այդ` Հայաստանն ի վերջո կդառնա կապող օղակ Արևմուտքի և Արևելքի միջև: Թվում է` Եվրասիական Տնտեսական գոտուն անդամակցելուց հետո այս հարցը կարող է քննարկման առարկա դառնալ փոքր-ինչ այլ լույսի ներքո, հատկապես եթե հաշվի առնենք, որ երկաթգծի շահագործումը բխում է նաև Ռուսաստանի շահերից: 

Ի վերջո, կայուն տնտեսությունը տարածաշրջանում հիմք կդառնա նաև քաղաքական կայունացման համար:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 27%
    Քամի՝ 0 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: