Ի՞նչ են ակնկալում Եվրոպայում Ռիգայի գագաթաժողովից

• 20.05.2015, 20:12
•  Եվրոպա,  Աշխարհ

Արևելյան գործընկերության թվով երրորդ գագաթաժողովին̦ որն այս անգամ տեղի կունենա Լատվիայի մայրաքաղաք Ռիգայում̦ մնացել է ընդամենը 1 օր: 

Ըստ Եվրոպական խորհրդի նախագահ Դոնալդ Տուսկի, ԱլԳ երեք երկրները`Վրաստանը̦ Մոլդովան և Ուկրաինան̦ լիովին իրավունք ունեն ձգտելու անդամակցել Եվրոպական Միությանը: Տուսկն̦ իր խոսքերով̦ կանի հնարավորը̦ որպեսզի արդարացնի այս երկրների սպասելիքները̦ քանի որ վերջիններս մեղադրում են ԵՄ-ին անգործության և մշտապես խուսափողական դիրքորոշան մեջ:

Այս առիթով Վրաստանի նախագահ Գեորգի Մարգելաշվիլին նշել է̦ որ իր կառավարությունը շատ կարճ ժամանակում լավ աշխատանք է կատարել վիզաների ազատականացման հարցում̦ և հույս ունի̦ որ իրենց ընդհանուր նվիրվածությունը Եվրոպային և եվրոպական գաղափարներին̦ ադեկվատ արձագանքի կարժանանա Ռիգայի գագաթաժողովում:

Գագաթաժողովի սպասելիքներից որպես հետաքրքրված կողմ կարծիք է հրապարակել նաև Լեհաստանի արտաքին գործերի նախարարությունը̦՝ հայտնելով̦ որ ճիշտ կլինի Ռիգայում քննարկել նաև ԱլԳ հետագա գործունեությունը̦ ինչ հեռանկարներ ունի այն ապագայում̦ և իհարկե, ընդունել նաև մեծ առաջընթաց գրանցած եռյակի եվրոպական ընտրությունը և հուսախաբ չանել վերջիններիս:

Ռիգայի գագաթաժողովի հետ կապված արտահայտվել է նաև Ռուսաստանի արտգործնախարար Սերգեյ Լավրովը̦ ով օր առաջ զրուցելով ԵՄ գերագույն հանձնակատար Ֆեդերիկա Մոգերինիի հետ̦ երաշխավորում էր ստացել վերջինից̦ որ ԱլԳ հետագա զարգացումը որևէ կերպ չի ազդի Ռուսաստանի վրա:

«Մենք կնախընտրեինք̦ որ մեր եվրոպացի գործընկերներն իրենց խոսքերն ամրապնդեին նաև արարքներով»̦ - հայտնել է Լավրովը̦: «Ինչևէ̦ սպասենք տեսնենք ինչ կլինի գագաթաժողովին»,- հավելել է ՌԴ ԱԳ նախարարը:

Համենայն դեպս̦ Ռիգայի գագաթաժողովը չի խոստանում մեծ փոփոխություններ գրանցել ԱլԳ ոլորտում կամ որևէ կոնկրետ նոր քաղաքականություն մշակել: Անշուշտ̦ ինչ-ինչ երկկողմ պայմանագրեր ու համաձայնագրեր կստորագրվեն̦ բայց ընդհանուր առմամբ̦ միջազգային մամուլը շատ թերհավատ է մոտենում ԱլԳ թվով 3-րդ գագաթաժողովին`համարելով այն ավելի շատ ձևական բնույթ կրող հավաքույթ: