ԵՐԵՎԱՆ 2 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Բրատիսլավայի հանդիպումը նախապատրաստական փուլ էր մայիսի 13-14-ի ԱլԳ ԱԳ նախարարների նիստին ընդառաջ

Մայիսի 6-ին Բրատիսլավայում կայացավ Վիշեգրադյան քառյակի և Արևելյան գործընկերության երկրների արտգործնախարարների հանդիպումը, որի մասնակցեց նաև Եվրոպական հանձնաժողովի հարևանության և ընդլայնման հարցերով հանձնակատար Յոհաննես Հանը:

Արևելյան գործընկերության քաղաքականությունը հատուկ կարևորություն ունի Վիշեգրադյան քառյակի երկրների՝ Սլովակիայի, Չեխիայի, Հունգարիայի և Լեհաստանի համար: Նրանց համար ԱլԳ-ն իրենց անմիջական հարևանությամբ գտնվող տարածաշրջանի կայունության, իրենց անվտանգության ապահովմանն ուղղված քաղաքականություն է: Դրանով է բացատրվում նաև նրանց ներկայիս ակտիվությունը՝ մայիսի 13-14-ին Բրյուսելում կայանալիք ԱլԳ 10-ամյա հոբելյանին նվիրված միջոցառումների նախաշեմին:

Բրատիսլավայի այս հանդիպումը մասնակից երկրների կողմից հարցի կարևորման ցուցադրում էր, ինչպես նաև «ժամացույցների ճշգրտման» որոշակի քայլ՝ Բրյուսելում կայանալիք ԵՄ և ԱլԳ երկրների արտգործնախարարների հանդիպմանը նախապատրաստվելու համատեքստում: Ինչպես իր ելaւյթում նշել է ՀՀ ԱԳ նախարար Զոհրաբ Մնացականյանը, այս հանդիպումը հնարավորություն է ընձեռնում վերլուծել Արևելյան գործընկերության անցած 10 տարիների ձեռքբերումները և մտքեր փոխանակել հաջորդ տասնամյակի տեսլականի շուրջ նաև Վիշեգրադյան քառյակի հետ, հայտնում է ՀՀ ԱԳՆ պաշտոնական կայքը:

Այժմ ԵՄ-ն փորձելու է ուրվագծել քաղաքականության զարգացման հեռանկարները, և այս փուլում մտքերի փոխանակումները կարևոր են: Իր ելույթում ԵՄ հանձնաժողովի հարևանության և ընդլայնման հարցերով հանձնակատար Յոհաննես Հանը հայտարարել է, որ մայիսի 13-14-ի միջոցառումից անմիջապես հետո Եվրամիությունը սկսելու է ԱլԳ «20 թիրախային արդյունք 2020 թվականի համար»-ի օրինակով հաջորդ թիրախների սահմանմանը:

Ընդհանուր առմամբ, Բրատիսլավայի միջոցառումը կարելի է համարել նախապատրաստական փուլ մայիսի 13-14-ի Բրյուսելի հանդիպմանն ընդառաջ: Մեկ շաբաթ անց հենց Բրյուսելում են ամփոփվելու Արևելյան գործընկերության քաղաքականության 10 տարիների հիմնական արդյունքները և ուրվագծվելու ապագայի տեսլականը:

Նշենք նաև, որ այս տարի այդ նույն նպատակով պետք է անցկացվեր նաև ԱլԳ հերթական գագաթաժողով, սակայն դրա անցկացումը հետաձգվել է ԵՄ օրակարգի այլ հարցերի, մասնավորապես՝ Brexit –ի գործընթացի և Եվրախորհրդարանի ընտրությունների արդյունքում:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 30%
Քամի՝ 2,57 կմ/ժ
2 C°
 
  -3° 
05.02.2023
   
06.02.2023
Հարցում

Արդյո՞ք միջազգային հանրությունը բավարար ջանքեր է գործադրում Արցախի «կյանքի ճանապարհը» բացելու համար։