ԵՐԵՎԱՆ -3 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 24 258,63 դրամ ԱՐԾԱԹ - 271,69 դրամ ՊԼԱՏԻՆ - 14 862,75 դրամ

ԵՄ-ն կշարունակի աջակցել ձեռներեցության զարգացմանը գործընկեր երկրներում

Եվրոպական Միությունը կշարունակի աջակցել Արևելյան գործընկեր երկրներում գործարարության և փոքր ու միջին ձեռներեցության զարգացմանը:

Ինչպես նշում է «Մեդիամաքսը», այս մասին այսօր Արևելյան գործընկերության Ռիգայի գագաթաժողովի բիզնես ֆորումին հաջորդած մամուլի ասուլիսում հայտարարել է Եվրամիության հարևանության քաղաքականության հարցերով հանձնակատար Յոհաննես Հաանը:

Նա նշել է, որ գործարարության և տնտեսական հարաբերությունների խթանումը զինված հակամարտություններից խուսափելու ամենախաղաղ միջոցներից է:

ԵՄ հանձնակատարի խոսքով՝ ԵՄ-ի հետ Ասոցացման և Խորը ու համապարփակ ազատ առևտրի մասին համաձայնագրի ստորագրումից հետո Ուկրաինան, Վրաստանը և Մոլդովան նշանակալի աճ են գրանցել արտահանման ծավալներում:

Պատասխանելով Ուկրաինայի և Վրաստանի՝ ԵՄ-ին անդամակցելու մտադրության վերաբերյալ հարցին՝ Յոհաննես Հաանն ասել է, որ անդամակցության հայտ ներկայացնելու համար այդ երկու երկրները դեռևս պետք է ընդունեն և իրականացնեն բազմաթիվ բարեփոխումներ:

«Սա գործընթաց է, որի իրականացումից հետո միայն մենք կարող ենք խոսել ապագա քայլերի մասին»,- ասել է Յոհաննես Հաանը:

Մայիսի 21-22-ը Ռիգայում անցկացվում է Արևելյան գործընկերության գագաթաժողովը, որի գլխավոր թեման ծրագրի վեց անդամ երկրների հետ երկկողմ հարաբերություններն են: Հայաստանը գագաթաժողովում ներկայացնում է ՀՀ նախագահ Սերժ Սարգսյանը:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 80%
Քամի՝ 5 կմ/ժ
-3 C°
 
-2°   
19.02.2020
   
20.02.2020
Հարցում

Իրան-ԱՄՆ դիմակայության ուժեղացումը կանդրադառնա՞ Հայաստանի վրա: