ԵՐԵՎԱՆ -5 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 826,15 դրամ ԱՐԾԱԹ - 274,02 դրամ ՊԼԱՏԻՆ - 14 988,69 դրամ

Հիսուս Քրիստոսի մկրտման վայրը ներառվել է ՅՈՒՆԵՍԿՕ-ի համաշխարհային ժառանգության ցանկում

ՅՈՒՆԵՍԿՕ-ի համաշխարհային ժառանգության ցանկում ներառվել է Հիսուս Քրիստոսի մկրտման վայրը: Քրիստոնյաների գլխավոր սրբատեղիներից մեկը գտնվում է Բեթանիայում` Հորդանան գետի հովտում̦ ներկայիս Հորդանան պետության տարածքում: Այն կրոնական, մշակութային և պատմական մեծ նշանակություն ունի:

«Մկրտման վայրը քրիստոնայների համար համարվում է կրոնական ուխտագնացության կարևորագույն օբյեկտներից մեկը: Այստեղ Հովհաննեսը մկրտել է Հիսուս Քրիստոսին: Այս վայրը նաև Վատիկանի կողմից հայտարարվել է Հորդանանում 5 սրբատեղիներից մեկը», - ասել է Աբեդ Ալ-Ռազակ Արաբիյաթը` Հորդանանի զբոսաշրջության վարչության ղեկավարը: TRN-News-ը նշում է, որ Հորդանանի իշխանությունների կարծիքով այս քայլը նպաստում է երկրում զբոսաշրջության ակտիվացմանը, որը տարածաշարջանում այսպես կոչված «արաբական գարնան» սկսվելուց հետո զգալի անկում է ապրել:

Նշենք, որ ՅՈՒՆԵՍԿՕ-ի համաշխարհային ժառանգության ցանկում ներառվում են այն օբյեկտները, որոնք առանջնահատուկ կրոնական, մշակութային կամ էկոլոգիական նշանակություն ունեն: Սրա գլխավոր նպատակն է պահպանել այս կառույցները և ավելի հանրաճանաչ դարձնել: 2014 թվականի տվյալներով ՅՈՒՆԵՍԿՕ-ի համաշխարհային ժառանգության ցանկում 1007 կառույցներ են ներառված, այդ թվում Թաջ Մահալը Հնդկաստանում, Վերոնա քաղաքն Իտալիայում, Կրեմլը Ռուսաստանում և այլն:

Հայկական կոթողներից ՅՈՒՆԵՍԿՕ-ի համաշխարհային ժառանգության ցանկում ընդգրկված են Սանահինի և Հաղպատի վանական համալիրները, Էջմիածնի Մայր տաճարը, Հռիփսիմե, Գայանե, Շողակաթ եկեղեցիները, Զվարթնոցի տաճարի ավերակները, Գեղարդն ու Ամադու կիրճը: 


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 58%
Քամի՝ 4 կմ/ժ
-5 C°
 
-3°   
20.01.2020
-5°   
21.01.2020
Հարցում

Իրան-ԱՄՆ դիմակայության ուժեղացումը կանդրադառնա՞ Հայաստանի վրա: