ԵՐԵՎԱՆ 10 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30 188,18 դրամ ԱՐԾԱԹ - 387,07 դրամ ՊԼԱՏԻՆ - 13 940,07 դրամ

Քննարկվել են հայ-հորդանանյան միջխորհրդարանական կապերին առնչվող հարցեր

ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ, ՀՀ ԱԺ Հայաստան-Հորդանան բարեկամական խմբի ղեկավար Նաիրա Զոհրաբյանն օգոստոսի 13-ին հանդիպել է Սիրիայի Արաբական Հանրապետությունում և Հորդանանի Հաշիմյան Թագավորությունում ՀՀ արտակարգ և լիազոր դեսպան Տիգրան Գևորգյանի հետ:

Անդրադարձ է կատարվել Հայաստանի և Հորդանանի խորհրդարանների միջև կապերի ընդլայնմանն ու խորացմանն առնչվող հարցերի, ինչպես նաև երկու երկրների հարաբերությունների օրակարգում առկա մի շարք խնդիրների:

Նաիրա Զոհրաբյանը նշել է, որ իր՝ Հորդանան կատարած այցի ընթացքում հանդիպել է արքայադուստր Ռիմ Ալ Ալիի հետ և քննարկել զբոսաշրջությանն ու մշակութային կապերի խթանմանը վերաբերող հարցեր:

Արտակարգ և լիազոր դեսպանն ու բարեկամական խմբի ղեկավարը պայմանավորվել են Հորդանան նախատեսված այցի ժամանակ քննարկել նաև հայ-հորդանանյան դեռևս չօգտագործված ռեսուրսին առնչվող հարցեր:

Նաիրա Զոհրաբյանը տեղեկացրել է, որ Հորդանանի խորհրդարանի Հորդանան-Հայաստան բարեկամական խմբին հրավիրել է այցելելու մեր երկիր: 


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 49%
Քամի՝ 7 կմ/ժ
10 C°
 
10°  22° 
30.10.2020
12°  21° 
31.10.2020
Հարցում

Կճանաչվի՞ արդյոք մոտ ապագայում Արցախի անկախությունը: