ԵՐԵՎԱՆ 14 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 029,85 դրամ ԱՐԾԱԹ - 270,35 դրամ ՊԼԱՏԻՆ - 12 683,63 դրամ

Մոլդովայում կառավարության հրաժարականը սպառնում է բյուջեի արգելափակմամբ

Այսօր՝ հոկտեմբերի 30-ին, Մոլդովայում մեկնարկում են խորհրդարանական նոր մեծամասնության և կառավարության ձևավորման վերաբերյալ բանակցությունները: Փորձագետները ամենահավանականը համարում են Դեմոկրատական կուսակցության և ձախերի միջև կոալիցիայի ձևավորումը, ընդ որում՝ նշում են, որ վարչապետի պաշտոնում թեկնածուն կրկին կառաջադրվի Լիբերալ-դեմոկրատական կուսակցությունից, որը խորհրդարանի ամենամեծ քաղաքական ուժն է: Մոլդովայի խորհրդարանը նախօրեին ազատ արձակեց մոտ երեք ամիս առաջ նշանակված Վալերի Ստրելեցի գլխավորած կառավարությանը:

Եվրոպամետ կառավարությանը անվստահության քվե հայտնելու մասին բանաձևի օգտին քվեարկել է երկրի խորհրդարանի 101 պատգամավորներից 65-ը: Կառավարության հրաժարականը պահանջել էին ընդդիմադիր Սոցիալիստների կուսակցությունը և Կոմունիստների կուսակցությունը, որոնք խորհրդարանում ունեն 45 մանդատ(101-ից): Նման պահանջի պատճառը վարչապետի և կառավարության կոռումպացվածության վերաբերյալ կասկածներն էին:

Ընդդիմության հետ միասին գործող կառավարությանն անվստահություն են հայտնել նաև իշխող եվրոպամետ կոալիցիայի մեջ մտնող Դեմոկրատական կուսակցության ներկայացուցիչները: Կոալիցիայի մեջ մտնող մյուս կուսակցությունների պատգամավորները քվեարկության ժամանակ ձեռնպահ են մնացել:

Իշխող եվրոպամետ կոալիցիայում պառակտումը տեղի է ունեցել այն բանից հետո, երբ խորհրդարանը պատգամավորական անձեռնմխելիությունից զրկեց նախկին վարչապետ Վլադ Ֆիլատին, ով կասկածվում է կաշառակերության և Մոլդովայի բանկային համակարգից 1 մլրդ եվրոյի անհետացմանը մասնակից լինելու մեջ:

Կառավարության հրաժարականը տեղի ունեցավ Քիշնևում արդեն երկու ամիս շարունակվող հակակառավարական բողոքի ակցիայի ֆոնին: Մոլդովացիները պահանջում են ոչ միայն կառավարության, այլ նաև նախագահի հրաժարականը, արտահերթ ընտրությունների անցկացում և  1 մլրդ եվրոյի անհետացման հետաքննություն: Նշենք, որ ցուցարարների շարքերում ևս միասնություն չկա: Այսպես «Արժանապատվություն և ճշմարտություն» քաղաքացիական պլատֆորմը հանդես է գալիս եվրաինտեգրման աջակցությամբ, իսկ սոցիալիստները և «Մեր կուսակցության» աջակիցները՝ մոլդովական պետականության և Ռուսաստանի հետ մերձեցման աջակցությամբ:

Ավելացնենք, որ վերջին մի քանի ամիսների ընթացքում Մոլդովայում արդեն երկրորդ կառավարության հրաժարականը կարող է երկիրը կանգնեցնել տնտեսական լուրջ խնդիրների առաջ: Ինչպես նշել է արդեն նախկին վարչապետ Վալերի Ստրելեցը, կառավարության հրաժարականը Մոլդովայի համար նշանակում է բյուջեի արգելափակում, քանի որ քաղաքական անկայունության պայմաններում Արժույթի միջազգային հիմնադրամի հետ ֆինանսավորման համաձայնագրի ստորագրումը և Ռումինիայից վարկային առաջին տրանշի փոխանցումը դառնում են անհնար:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 76%
Քամի՝ 9 կմ/ժ
12 C°
 
10°  22° 
26.05.2020
13°  26° 
27.05.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: