ԵՐԵՎԱՆ 26 C°
ՀՀ ԿԲ -
  • USD - 458.98 դրամ +0,98 EUR - 485.74 դրամ +0,74 RUB - 7.81 դրամ +0,81 GBP - 572.99 դրամ +0,99
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Թուրքիան աշխատավարձ կվճարի քրիստոնյա քահանաներին

Թուրքիայի մարդու իրավունքների պաշտպանը կանաչ լույս է տվել երկրի կրոնական հարցերով գլխավոր վարչությանը՝ Դիանեթին, քահանաների աշխատավարձ վճարել՝ այսպիսով բավարարելով Բոյաչըկոյի հայկական Սուրբ Երից Մանկանց եկեղեցու հիմնադրամի ղեկավար Նազարեթ Օղսահակյանի հայցը, գրում է Hurriyet Daily News-ը:

Մարդու իրավունքների գլխավոր պաշտպան Նիհաթ Օմերօղլուն՝  Հունական ուղղափառ պատրիարքության և Թուրքիայի հայկական պատրիարքության հակասական տեսակետներին, ներկայացրել է խորհրդատվական կարծիք, որում նա կոչ է արել այդ հարցի հետ կապված իրավական ակտերում փոփոխություն իրականացնել «վերացնելու անարդար վերաբերմունքը»:

Նշվում է, որ Օզսահակյանի հայցի քննության ժամանակ Մարդու իրավունքների պաշտպանի գրասենյակը կարծիք է խնդրել Թուրքիայի գլխավոր րաբբիից, ասորի ուղղաբառ եկեղեցու մետրոպոլիտից, ինչպես նաև Հունական ուղղափառ եկեղեցու և Թուրքիայի հայկական եկեղեցու պատրիարքարաններից:

Պարզվում է, Թուրքիայի հայկական եկեղեցու պատրիարքարանին պետության կողմից եկեղեցու սպասավորներին աշխատավարձ վճարելու գաղափարը այդքան էլ դուր չի գալիս: Ըստ հունական ուղղափառ պատրիարքության՝ հայկական, ասորական և հրեական համայնքները կարծում են, որ եկեղեցում պաշտոնավարումը «հիերարխիկ և ավանդական կառուցվածքի առարկա է, և կառավարման կարգը պետք է իրականացվի քրիստոնեության և հուդայականության ոգու համաձայն»: Թուրքիայի հայկական պատրիարքությունում մասնավորապես նշել են, որ Հոգևոր խորհուրդը, հաշվի առնելով ավանդույթը, երբ եկեղեցու ծառաների աշխատավարձերը վճարվում են համայնքի անդամների կողմից, տեղին է համարում այդ ավանդույթի վերականգնումը: Ի տարբերություն հայկական պատրիարքարանի՝ Հունական ուղղափառ պատրիարքարանում կարծում են, որ պետության ֆինանսական օժանդակությունը պետք է ուղղակիորեն փոխանցվի իրենց կենտրոններին:

Նշենք, որ Անկարան մինչ օրս ճանաչում է երկրում միայն երեք կրոնական փոքրամասնությունների՝ հունական, հայկական և հրեական համայնքների առկայությունը, որոնք չեն գտնվում Թուրքիայի կրոնական հարցերով գլխավոր վարչության ենթակայության տակ: Մտավախություն կա, որ վերջինիս կողմից կրոնական փոքրամասնությունների եկեղեցական սպասավորներին աշխատավարձ վճարելը կարող է մեծացնել Դիանեթի միջամտությունը այդ համայնքների ներքին գործերին: Այժմ Դիանեթը իր ենթակայության տակ գտնվող 85 հազար մզկիթների համար մշակում է ամեն շաբաթվա քարոզը, վճարում է երկրի բոլոր իմամների աշխատավարձերը, որոնք ավելի շուտ դիտարկվում են որպես քաղաքացիական ծառայողներ և վերապատրաստվում են պետության կողմից:  

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 21%
Քամի՝ 8,23 կմ/ժ
26 C°
 
17°  10° 
24.05.2022
20°   
25.05.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: