ԵՐԵՎԱՆ 11 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Միասեռ ամուսնությունների հարցը՝ վրացական օրակարգում

© subscribe.ru

Մոսկվայի և Համայն Ռուսիո պատրիարք Կիրիլը և Հռոմի Ֆրանցիսկոս պապը դարակազմիկ հանդիպման վերջում ներկայացրին համատեղ հռչակագիր, որն ամրագրում է եկեղեցու կողմից ընտանիքի դիտարկումը որպես տղամադու և կնոջ միություն, ովքեր կրում են մարդկային ցեղի շարունակականության պատասխանատավությունը: Սակայն, նույն քրիստոնեական ընտանիքին պատկանող Վրաստանում առաջ եկան տարաձայնություններ այս քրիստոնեական ավանդական մեկնաբանության շուրջ:

Վրաստանում սեռական փոքրամասնությունների իրավունքների պաշտպան, փաստաբան Գեորգի Տատիշվիլին այս տարվա հունվարի վերջին հայց է ներկայացրել  Վրաստանի Սահմանադրական դատարան՝ երկրում միասեռ ամուսնություններն օրինականացնելու պահանջով: Իր հայցը նա հիմնավորել էր այն նրանով, որ Վրաստանի քաղաքացիական օրենսգրքի 1106 հոդվածի բովանդակությունը (ամուսնությունն ընտանիքը կազմելու նպատակով տղամարդու և կնոջ միջև կամավոր միություն է) չի համապատասխանում Սահմանադրության 36-րդ հոդվածին (ամուսնությունը որպես կամավոր միություն հիմնվում է ամուսինների իրավահավասար իրավունքի վրա), հաղորդում է Взгляд լրատվականը:

Խորհրդարանականները, գիտակցելով ստեղծված իրավիճակի լրջությունը, փորձում են հոդվածների համապատասխանեցման արդյունքում, հաղթահարել առաջացած դժվարությունը: Կառավարող կոալիցիայի  պատգամավոր՝ Գեորգի Վոլսկին, մամլո ասուլիսի ժամանակ հայտարարել է, որ Վրաստանի պառլամենտական մեծամասնությունը նախապատրաստում է սահմանադրական փոփոխությունների փաթեթ, համաձայն որի միասեռ ամուսնությունների խնդիրը կդադարի վիճելի լինելուց:  

Նա նաև նշել է, որ «քաղաքացիական օրենսգրքում  ամրագրված ձևակերպումը կդառնա սահմանադրական նորմ», -  հայտնում է Sputnik-ը: Ներկայումս, Վրաստանի խորհրդարանում այդ առիթով ստորագրահավաք է սկսվել: Սամանադրական փոփոխությունների գրանցման համար անհրաժեշտ է  150-ից 76 պատգամավորների ստորագրություն: Հաջողության դեպքում Վրաստանի խորհրդարանականներին կհաջողվի որոշակիորեն կախել խնդրի հնարավոր շահարկումը:

Հարկ է նշել, որ, չնայած Վրաստանում «եվրոպական արժեհամակարգի» արմատավորման վերաբերյալ բարձր մակարդակով արվող տարբեր հայտարարություններին, վրացական հանրությունը բավական բացասական է տրամադրված սեռական փոքրամասնություների իրավունքների պաշտպանությանն ուղղված նախաձեռնություններին: Այս մասին վկայում են Ազգային ժողովրդավարական ինստիտուտի (NDI) կողմից Տատիշվիլին նախաձեռնության վերաբերյալ արված սոցիալական հարցման արդյունքները: Ըստ հարցման տվյալների՝ Վրաստանում հանրության 89%-ը կողմ է միասեռ ամուսնությունների արգելմանը, 6%-ը պատրաստ է աջակցել միասեռ ամուսնությունների օրինականացմանը, իսկ 4%-ը դեռևս չունի ձևավորված դիրքորոշում տվյալ հարցի շուրջ: Թերևս հենց հանրային տրամադրվածությամբ կարելի է բացատրել այն, որ Թբիլիսիում գեյ-շքերթներ անցկացնելու բոլոր փորձերը ձախողովում են: Դեռևս 2013 թվականին սեռական փոքրամասնությունների իրավունքների պաշտպանությանն ուղղված ակցիաները բռնի կերպով ճնշվեցին փողոց դուրս եկած մեծ թվով քաղաքացիների կողմից, որոնց շարքերում շատ էին նաև հոգևոր գործիչները:

Հատկանշական է, որ Վրաց ուղղափառ եկեղեցին ևս իր անհանգստությունն է հայտնում նմանատիպ նախաձեռնությունների հետ կապված: Եկեղեցին, քննադատելով  միասեռ ամուսնությունների օրինականացմանն ուղղված քայլերը, միաժամանակ պնդում է, որ քաղաքացիների նկատմամբ բռնի գործողություններն անընդունելի են:

Հետաքրքիր է այն հանգամանքը, որ վրացական հանրության շրջանում տարածված է այն ընկալումը, որի համաձայն՝ 2014 թվականի  հունիսի 27-ին Բրյուսելում Վրաստանի և Եվրամիութան միջև Ասոցացման համաձայնագրի ստորագրումը փոքրամասնությունների իրավունքների պաշտպանության հարցում լրացուցիչ ճնշում է ստեղծել Վրաստանի իշխանությունների նկատմամբ: Ըստ որոշ փորձագետների՝ Ասոցացման համաձայնագրի քաղաքական բաժինն ազդարարում էր եվրոպական արժեհամակարգի ամրապնդումը հասարակության կենսագործունեության բոլոր ոլորտներում, այդ թվում՝ իրավունքների պաշտպանության:

«Իրավունք բոլորի համար» վրացական ոչ կառավարական կազմակերպության ղեկավար Զուրաբ Ջորբենաձեի կարծիքով Վրաստանի և Եվրամիության միջև ասոցացման համաձայնագրի ստորագրումն ու վավերացումը  կհանգեցնի կործանարար հետևանքների Վրաստանի համար: Ըստ նրա՝ ԵՄ-ի հետ ասոցացման համաձայնագիրը պարտավորեցնում է Վրաստանի կառավարությանն իրականացնել փոփոխություններ Սահմանադրությունում, ինչի արդյունքնում պետք է օրինականացվեն միասեռ ամուսնությունները, և հաստատվի իրավահավասարութուն կրոնական փոքրամասնությունների և ուղղափառ մեծամասնության միջև:

Ամփոփելով, կարող ենք նշել, որ Վրաստանում իշխանությունները կանգնած են դժվարին խնդրի առջև. մի կողմից առկա է հանրության տարաբաժանված դիրքորոշումը հավասարակշռելու անհրաժեշտությունն, մյուս կողմից՝ արևմտյան գործընկերների առջև ստանձնած պարտավորություններին հետամուտ լինելը: 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 32%
    Քամի՝ 2,06 կմ/ժ
    10 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: