ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 28 729,18 դրամ ԱՐԾԱԹ - 361,04 դրամ ՊԼԱՏԻՆ - 15 957,49 դրամ

Անվտանգ, խաղաղ ծառայություն մեր բոլոր զինվորներին. ազատամարտիկ

Հայոց բանակի կազմավորման 25-ամյակի կապակցությամբ «Արմեդիա» ՏՎԳ-ն զրուցել է Արցախյան պատերազմի մասնակից, Սասուն ջոկատի ազատամարտիկ Ռուբեն Սարգսյանի հետ:

- Ի՞նչը դրդեց Ձեզ մեկնել ռազմաճակատ և ի՞նչ գաղափար էր առաջնորդում մարդկանց այդ օրերին:

- Հայրենիքի մի մասնիկի վտանգված լինելու փաստը: Բոլորիս էլ դրդում էր այն գիտակցությունը, որ մենք պետք ենք մեր հայրենիքին, որ պետք է օգնած լինենք այդ դժվար պահին:

- Ի՞նչն է, ըստ Ձեզ, փոխվել այն օրերի և ներկայիս զինվորի կերպարի մեջ:

 - Այն ժամանակ շատ դժվարությամբ էին գալիս բանակ, եկածներն էլ լավ չէին ծառայում, չէին մասնագիտանում: Իսկ հիմա արդեն իսկական պրոֆեսիոնալ բանակ ունենք` սկսած ռազմական ուսումնարանից, ինստիտուտից, մինչև զորամասերի ամենօրյա պարապմունքները:

- Ի՞նչ կմաղթեք հունվարի 28-ի կապակցությամբ:

 - Անվտանգ, խաղաղ ծառայություն մեր բոլոր զինվորներին: Հայոց բանակի հզորացում:

- Ինչ-որ հետաքրքրաշարժ պատմություն կհիշե՞ք պատերազմի տարիներից:

- Մի շատ հետաքրքիր դրվագ կա, որը սակայն մեր ջոկատի հետ չի կապված: Եղեգնաձոր քաղաքի երկրապահի ջոկատի սխրագործություններից է, որին անձամբ ներկա ենք եղել, տեսել ենք:

Այնտեղ բարձր պատվանդամի վրա մի տանկ կար, որը մնացել էր դեռևս 1941 թվականի Հայրենական Մեծ պատերազմից: Տղաները տանկը տեղից հանել էին, անգամ շարժել, սակայն փոխանցման տուփը հանած էր եղել միջից: Հնարամիտ զինվորները հասել էին Երևան, Հաղթանակի զբոսայգում դրված մեկ այլ տանկից հանել էին պահպանված փոխանցման տուփը և տեղադրել իրենց «փախցրած» տանկի մեջ:

Սկզբում նրանց բռնել էր տեղի ոստիկանը, այնուհետև լուրը հասել էր Վազգեն Սարգսյանին, ով ծիծաղել էր միայն և թույլատրել տղաներին անել այն, ինչ ուզում են:

Վերջիններս հետ էին դարձել Եղեգնաձորի մոտակայքում գտնվող Խաչիկ գյուղ, որը Նախիջևանի շրջանի հետ սահմանակից է, և որտեղ շատ լարված իրադրություն էր: Եվ ահա տանկը գյուղ են իջեցրել, և թուրքերը հեռվից տեսնելով այն, մեծ աղմուկ-աղաղակ են բարձրացրել:

Հետաքրքիրն այն է, որ տանկի առջևից կամ հետևից ոչ մի ուղեկցող զինվոր, ոչ ոք չի գնացել: Միմիայն տանկիստն է եղել, ով սահմանին իսկական իրարանցում է առաջացրել: Իհարկե, կարճ ժամանակ անց 50-ամյա տանկը փչացել է, սակայն հասցրել է մի լավ վախեցնել հակառակորդին: 


Եղանակ
Երևան
Պարզ երկինք
Խոնավություն՝ 81%
Քամի՝ 3 կմ/ժ
0 C°
 
   
04.12.2020
   
05.12.2020
Հարցում

Կճանաչվի՞ արդյոք մոտ ապագայում Արցախի անկախությունը: