ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 455,97 դրամ ԱՐԾԱԹ - 259,35 դրամ ՊԼԱՏԻՆ - 13 785,72 դրամ

ԱլԳ երկրներից Բելառուսը և Ադրբեջանը կզրկվեն USAID-ի ֆինանսական աջակցությունից

Wikimedia Commons

ԱՄՆ Կոնգրեսի  ներկայացուցիչների պալատն ապրիլի 3-ին հաստատել է 1.1 միլիարդ դոլար ԱՄՆ  բյուջեի նախագիծը, որը կգործի մինչև  սեպտեմբեր ամիսը՝ ֆինանսական տարվա ավարտը: Բյուջեի նախագիծը պետք է մինչև ուրբաթ օրը հաստատվի նաև ԱՄՆ սենատի և նախագահի կողմից, որպեսզի ԱՄՆ դաշնային իշխանությունը կարողանա բնականոն կերպով շարունակել իր գործունեությունը:

Foreign Policy լրատվականի կողմից ներկայացված բյուջետային նախագծի զեկույցում նշվում է, որ զարգացող երկրներին ԱՄՆ կողմից տրամադրվող օգնությունը կրճատվել է մեկ երրորդով: Համաձայն նույն  զեկույցի՝ ԱՄՆ կառավարության կողմից  տրամադրվող USAID (ԱՄՆ Միջազգային Զարգացման Գործակալություն) օգնություն այլևս չեն ստանալու Ղազախստանը, Թուրքմենստանը, Ադրբեջանը և Բելառուսը: USAID  շրջանակներում Հայաստանին տրվող օգնությունը կրճատվելու  է 77 տոկոսով, Վրաստանինը՝ 41 տոկոսով, Մոլդովայինը՝ գրեթե 50 տոկոսով, իսկ Ուկրաինայինը՝ 69 տոկոսով:

Նշենք, որ USAID ԱՄՆ պետական գործակալություն է, որը տրամադրում է աջակցություն աշխարհում նվազեցնելու աղքատությունը, հնարավորություն տալու ժողովրդավար հասարակություններին իրացնելու իրենց ներուժը: Այն հիմնվել է 1961 թվականին ԱՄՆ 35-րդ նախագահ Ջոն Քենեդու հովանու ներքո:

Մինչ բյուջետային նախագծում  իրականացված նման փոփոխությունը մեկնաբանելը, հետաքրքրական է նկատել, որ ԱլԳ երկրներից միայն Ադրբեջանը և Բելառուսն են ամբողջությամբ զրկվել USAID ֆինանսավորումից, մինչդեռ մյուս երեք ԱլԳ երկրները՝ Մոլդովան, Ուկրաինան, Հայաստանը, թեպետ կրճատումներով, բայց  շարունակելու են ստանալ օգնություն:  Նման տարանջատումը չի կարող պատահական լինել և խոսում է մինչ այդ երկրներում տեղի ունեցած առաջընթացի տարբեր մակարդակների մասին:

Կարող ենք փաստել, որ վերոնշյալ պատկերը ևս մեկ անգամ գալիս է փաստելու, որ Թրամփի վարչակարգն այլևս չի աջակցելու մինչ այս ԱՄՆ կողմից տարվող արտաքին քաղաքականությանը, որը ենթադրում էր առավել սերտ համագործակցություն այլ երկրներում գործող ընդդիմադիր ուժերի և քաղհասարակության ներկայացուցիչների հետ:

Փոխարենը, Թրամփն այլ երկրների հետ տարվող ԱՄՆ երկկողմ հարաբերությունները բերելու է պայմանավորվածությունների դաշտ, որը առավելապես գործելու է երկրի իշխանությունների հետ՝ «ինչն ինչի դիմաց սկզբունքով»: Նման քաղաքականությունն արդեն իսկ վառ դրսևորվում է ԱՄՆ-ի և ՆԱՏՕ դաշնակիցների հետ հարբերություններում, որտեղ Թրամփը պահանջում է իր դաշնակիցներից վճարել իրենց անվտանգության համար:

այլ նյութեր այս թեմայով

այլ նյութեր այս թեմայով

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 71%
Քամի՝ 3 կմ/ժ
0 C°
 
   
11.12.2019
-1°   
12.12.2019
Հարցում

Արդյոք Հայաստանի իշխանությունները բավարար չափո՞վ են տեղեկացնում մեր հասարակությանը Ղարաբաղյան հակամարտության կարգավորման գործընթացի մասին: