Հայ դպրոցականները կարող են սովորել ԱՄՆ-ում

• 07.09.2017, 20:16
•  Ամերիկա,  Հայաստան

unistudy.org.ua

Հայաստանում մեկնարկում է FLEX ծրագիրը: Այն հնարավորութուն է տալիս մրցույթը հաղթող դպրոցականներին մեկ տարի սովորել ԱՄՆ-ի ավագ դպրոցներում, տեղեկացնում է NEWS.am-ը:

FLEX կրթաթոշակային ծրագիրն ամբողջովին ֆինանսավորվում է ԱՄՆ-ի կառավարության կողմից:

2018-2019 ուսումնական տարվա համար FLEX ծրագրին կարող են դիմել ՀՀ բոլոր քաղաքացիները, ովքեր՝

• սովորում են 9-12 դասարաններում կամ քոլեջի 1-3 կուրսում (որոնք համապատասխանում են ավագ դպրոցի 10-12 դասարաններին),

• հաշմանդամություն ունեցող երեխաները պետք է սովորեն 8-12 դասարաններում,

• ծնվել են 2000թ. փետրվարի 15-ից մինչեւ 2003թ. հուլիսի 15-ն ընկած ժամանակահատվածում,

• ունեն լավ կամ գերազանց առաջադիմություն և տիրապետում են անգլերենին,

• վերջին 5 տարվա ընթացքում չեն եղել ԱՄՆ-ում 3 ամսից ավել,

• համապատասխանում են ԱՄՆ մուտքի արտոնագիր ստանալու պահանջներին:

12-րդ դասարանում/3-րդ կուրսում սովորող աշակերտները, ովքեր ենթակա են պարտադիր զինվորական ծառայության՝ անկախ տարիքից, ծրագրին դիմել չեն կարող։

Քննություններին մասնակցելու համար նախապես գրանցվելու անհրաժեշտություն չկա։

Դիմորդները պետք է ներկայանան նախապես նշված քննական կենտրոն ՝ իրենց հետ բերելով՝

• ծննդյան վկայական կամ անձնագիր՝ բնօրինակ

• 3×4 չափսի մեկ լուսանկար

• Գրիչ

Ծրագրին մասնակցելու համար քննություններն իրականացվում են Հայաստանի բոլոր մարզերում:

Մանրամասների համար կարող եք դիմել Ամերիկյան խորհուրդների գրասենյակ, Ամիրյան փողոց 4/7, հեռ. (374 10) 54 40 15, 54 40 12, 56 00 45: