Գերմանիան կվճարի միգրանտներին հայրենիք վերադառնալու համար

• 04.12.2017, 10:03
•  Եվրոպա,  Աշխարհ

IBTimes UK

Գերմանիան ցանկանում է, որպեսզի ապաստան խնդրողները հեռանան երկրից և նպատակ ունի խթանել այդ գործընթացը: Ներքին Գործերի նախարար Թոմաս դե Մայզիրի առաջարկած գաղափարը նպատակ ունի օգնություն ցուցաբերել միգրանտներին հայրենիք վերադառնալուց հետո, հայտնում է DW-ն:

Մայզիրի խոսքով, ընտանիքները կարող են ստանալ 3 000 եվրո, իսկ անհատները՝ 1 000, եթե նրանք փետրվարի վերջին ինքնակամ վերադառնան իրենց հայրենիք:

Ի հավելումն նախկինում ստացած վճարումների, մերժված ապաստան խնդրողները կարող են գումար ստանալ հայրենիքում բնակարանի վարձակալության, շինարարության, վերանորոգման և նույնիսկ խոհանոցի կամ սանհանգույցի կահավորման համար:

Ծրագիրը կոչվում է «Քո երկիրը, քո ապագան, հիմա»:

«Ձեր հայրենիքում կան հնարավորություններ: Մենք կոնկրետ օգնությամբ կաջակցենք ձեզ վերաինտեգրման հարցում», - ասել է Մայզիրին: