ԵՐԵՎԱՆ 15 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Բանակցությունների առաջին փուլի արդյունքներով Մեյը բրիտանացիներին «մեղմ» Brexit է խոստանում

vestifinance.ru

Մեծ Բրիտանիան պատրաստվում է իրականացնել «մեղմ» Brexit` չնայած Եվրամիության միասնական շուկայից և Մաքսային միությունից իր պաշտոնական դուրս գալուն: Համաձայն Մեծ Բրիտանիայի վարչապետի գրասենյակի տարածած կոմյունիկեի՝ Թերեզա Մեյն այս մասին կհայտարարի բրիտանական խորհրդարանի Համայնքների պալատի պատգամավորների հետ հանդիպմանը, որի ժամանակ նա խորհրդարանականներին կզեկուցի դեկտեմբերի 14-15-ը Բրյուսելում կայացած գագաթաժողովի արդյունքների մասին: «Դա որոշակիություն կտա գործատուներին և (հասարակ աշխատողների) ընտանիքներին, որ մենք պատրաստվում ենք իրականացնելու «մեղմ» Brexit»»,- ասվում է Մեծ Բրիտանիայի կառավարության ղեկավարի հայտարարությունում:

Հիշեցնենք, նախորդ շաբաթ ԵԽ նախագահ Դոնալդ Տուսկը հայտնեց, որ ԵՄ առաջնորդները համաձայնել են սկսել Brexit-ի շուրջ բանակցությունների երկրորդ փուլը, ինչը նշանակում է, որ Բրյուսելն ու Լոնդոնն արդեն համաձայնեցրել են Եվրամիության կազմից Մեծ Բրիտանիայի դուրս գալու գործընթացի հետ կապված հիմնական կետերը և այժմ կողմերն անցնում են ԵՄ-ի և Մեծ Բրիտանիայի միջև ապագա առևտրա-տնտեսական հարաբերությունների քննարկմանը:

Նշենք, որ բանակցությունների առաջին փուլի հիմնական հարցերն էին Բրիտանիայում ԵՄ քաղաքացիների և ԵՄ-ում Բրիտանիայի քաղաքացիների իրավունքները, եվրոպական նախագծերից վաղաժամ դուրս գալու համար Բրյուսելին Լոնդոնի վճարելիք փոխհատուցման չափը և ԵՄ կազմի մեջ մտնող Իռլանդիայի և Մեծ Բրիտանիայի կազմի մեջ մտնող Հյուսիսային Իռլանդիայի միջև սահմանի հարցը: Այսպես, բանակցությունների արդյունքում Լոնդոնը պարտավորվել է մինչև 2020 թվականը համաեվրոպական բյուջեին տարեկան փոխհատուցում վճարել, որի ընդհանուր գումարը կկազմի 35-39 մլն եվրո, կողմերը համաձայնության են եկել, որ  Մեծ Բրիտանիայում բնակվող մոտ 3 մլն եվրոպացիների և ԵՄ-ում բնակվող մոտ 1 մլն բրիտանացիների իրավունքները չեն փոխվում, ինչպես նաև, որ Իռլանդիայի և Հյուսիսային Իռլանդիայի միջև սահմանային հսկողությունը չի խստացվելու և հետագայում իրականացվելու է միասնական մաքսային և առևտրային պայմաններով. ֆիզիկական սահման չի լինելու:

Ինչպես արդեն նշեցինք, առաջիկա բանակցությունների հիմնական թեման լինեու է Մեծ Բրիտանիայի և Եվրամիության ապագա առևտրա-տնտեսական հարաբերությունները: Բրիտանական բիզնես շրջանակները հետաքրքված են հնարավորինս շուտ ունենալու այդ հարցի պատասխանն իրենց ներդրումները պլանավորելու համար: Ենթադրվում է, որ Լոնդոնը փորձելու է հնարավորինս պահպանել եվրոպական միասնական շուկայի ընձեռած հնարավորությունները:

Ըստ նախատեսվածի`բանակցությունները պետք է ավարտվեն մինչև 2019 թվականի մարտ: Մինչ այդ կողմերը պետք է համաձայնեցնեն նաև Brexit-ից հետո և մինչև բանակցությունների երկրորդ փուլի արդյունքում ձեռք բերված պայմանավորվածությունների ուժի մեջ մտնելն  անցումային շրջանի պայմանները: Նախատեսվում է, որ այս` երրորդ փուլի շուրջ բանակցությունները կողմերը կսկեն առաջիկա շաբաթներին:

 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 58%
    Քամի՝ 1,54 կմ/ժ
    14 C°
     
    25°  14° 
    17.04.2024
    27°  15° 
    18.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: