ԵՐԵՎԱՆ 15 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Brexit-ի հետևանքները. անջատողական տրամադրությունների ակտիվացում Շոտլանդիայում

Brexit-ի օրը՝ հունվարի 31-ին, Շոտլանդիայի վարչապետ Նիկոլա Ստերջենը հանդես է եկել ելույթով և կոչ է արել իր կողմնակիցներին շարունակել պայքարը Շոտլանդիայի անկախության նոր հանրաքվե անցկացնելու համար:

Մեծ Բրիտանիայի՝ Եվրամիությունից հեռանալու օրը Շոտլանդիայում ուղեկցվել է բողոքի ցույցերով: Շոտլանդական խորհրդարանի շենքի վրայից հրաժարվել են իջեցնել Եվրամիության դրոշը:

Հայտարարվել է սահմանադրական կոնվենցիայի ստեղծման մասին, որի մեջ կմտնեն բրիտանական խորհրդարանի պատգամավորները, Եվրախորհրդարանի նախկին անդամներն ու խորհրդականները: Նման մարմին ստեղծվել է 1999թ-ին շոտլանդական խորհրդարանի վերականգնումից առաջ:

Շոտլանդիայի վարչապետն արդեն իսկ պաշտոնական նամակ է հղել Մեծ Բրիտանիայի վարչապետ Բորիս Ջոնսոնին՝ առաջարկելով նոր հանրաքվե անցկացնել 2020թ. երկրորդ կեսին: Սակայն Լոնդոնը մտադիր չէ համաձայնություն տալ՝ առնվազն մոտակա հինգ տարում՝ մինչև հաջորդ խորհրդարանական ընտրությունները Մեծ Բրիտանիայում:

Շոտլանդիայի կառավարությունը, իր հերթին, մտադիր չէ միակողմանի կերպով՝ առանց Լոնդոնի համաձայնության, հանրաքվե անցկացնել: Չի բացառվում նաև, որ շոտլանդական կողմը կսպասի 2021թ-ին կայանալիք խորհրդարանական ընտրություններին, որոնց ընթացքում անջատողական ուժերի շոշափելի հաջողությունը կուժեղացնի նրանց դիրքերը Լոնդոնի հետ բանակցություններում:

Հիշեցնենք, որ 2016թ-ի Brexit-ի հանրաքվեի ժամանակ շոտլանդացիների 62 տոկոսը դեմ է քվեարկել Եվրամիությունից հեռանալուն:

Բրյուսելը միշտ բավական զուսպ է եղել շոտլանդացիների նկրտումներին արձագանքելու հարցում: Սակայն անցյալ շաբաթ Եվրոպական Խորհրդի նախկին նախագահ, Եվորապական ժողովրդական կուսակցության նախագահ Դոնալդ Տուսկը հայտարարեց, որ դրական է վերաբերվում Եվրամիության կազմում մնալու Շոտլանդիայի ձգտմանը: «Էմոցիոնալ առումով, ես չեմ կասկածում, որ բոլորը հիացած կլինեն՝ և՛ Բրյուսելում, և՛ ընդհանուր առմամբ Եվրոպայում»,- ասել է նա: Այնուհետև նա հավելել է, որ հարգանքով է վերաբերվում Մեծ Բրիտանիայի ներքին բանավեճերին և չի պատրաստվում միջամտել:

Շոտլանդիայի անկախացման, նոր հանրաքվեի անցկացման հարցը դեռ երկար կլինի օրակարգում և մաս կկազմի Brexit-ի հետևանքների հետ կապված ներբրիտանական քննարկումների: Զուգահեռ, շատ են մտահոգությունները նաև կապված Հյուսիսային Իռլանդիայի հետ, որտեղ անջատողական տրամադրությունների աճը կամ նվազումը կապված կլինի Եվրամիության հետ կնքվելիք առևտրային պայմանագրից, որը կլուծի Իռլանդիայի Հանրապետության հետ սահմանի հարցը:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 41%
    Քամի՝ 4,63 կմ/ժ
    15 C°
     
    22°  11° 
    16.04.2024
    26°  14° 
    17.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: