ԵՐԵՎԱՆ 5 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 28,924.1 դրամ ԱՐԾԱԹ - 438.48 դրամ ՊԼԱՏԻՆ - 19,630.75 դրամ

Կոռուպցիոն սկանդալը կհանգեցնի՞ Նեթանյահուի հրաժարականին

kremlin.ru

Իսրայելի ոստիկանությունը կոռուպցիայի կասկածանքով ձերբակալել է երկրի վարչապետ Բենիամին Նեթանյահուի երկու մերձավորի՝ Իսրայելի կապի նախարարության նախկին գլխավոր տնօրեն Շլոմո Ֆիլբերին և Նեթանյահուի նախկին մամուլի քարտուղար Նիր Հեֆեթցին:

 Նրանք, մասնավորապես, կասկածվում են կոռուպցիոն սխեմային մասնակցության մեջ, որի նպատակը եղել է Իսրայելի վարչապետի գործունեության դրական լուսաբանումը ԶԼՄ-ներում: AP-ի տվյալներով՝ կոնկրետ այս գործով ոստիկանությունը դեռևս չի նշել Նեթանյահուի անունը, բայց սպասվում է, որ վարչապետը կհարցաքննվի:

Ավելի վաղ Իսրայելի ոստիկանությունը պահանջել էր, որ վարչապետ Բենիամին Նեթանյահուին մեղադրանքներ առաջադրվեն կաշառակերության երկու դեպքերի կապակցությամբ: Նեթանյահուն հերքում է բոլոր այս մեղադրանքները և արդեն հայտարարել է, որ պատրաստվում է երկիրը կառավարել մինչև իր լիազորությունների ժամկետի ավարտ՝ 2019 թվականի հուլիս:

Նշենք, որ սա Նեթանյահուի դեմ ոստիկանական առաջին հետաքննություն չէ. 1996 թվականից ի վեր, երբ Նեթանյահուն առաջին անգամ դարձավ Իսրայելի վարչապետ, նա և իր կինը՝ Սառան, հայտնվել են ոստիկանական 19 հետաքննության թիրախում: Ընդ որում, դրանցից ոչ մեկը չի փոխանցվել դատարան: Նեթանյահուն վստահ է, որ այս մեկն էլ որևէ արդյունք չի տա:

Այնուամենայնիվ, պետք է նկատել, որ վարչապետի նկատմամբ հետաքննություն և ապա մեղադրանք առաջադրելու պահանջը արտացոլում է երկրում տեղի ունեցող որոշակի գործընթացներ:  Պահպանողական թևը ներկայացնող Նեթանյահուի կառավարման շրջանում իսրայելական իշխանությունում տեղի է ունենում սերնդափոխություն՝ լիբերալ քաղաքական գործիչներն իրենց տեղը զիջում են պահպանողականներին, ինչը հանգեցնում է Իսրայելի աջականացմանը: Այս գործընթացի ընդդիմադիրները փորձում են ինչ-որ կերպ դիմակայել դրան, սակայն այդ ջանքերը դեռևս արդյունք են տալիս: Չնայած ոստիկանության հետաքննության հետ կապված արդեն ընդդիմադիր քաղաքական ուժերը հանդես են եկել վարչապետի հրաժարականի պահանջով, այդ նպատակով անց են կացվել բողոքի ակցիաներ, սակայն ակնհայտ է, որ Իսրայելի քաղաքական կյանքում ցնցումներ ոստիկանության հայտարարության պատճառով առաջիկայում չեն ակնկալվում: Նեթանյահուին հաջողվել է ձևավորել բավականին կայուն թիմ: Նշենք, որ կառավարության հրաժարականի մասին որևէ խոսք անգամ չի եղել: Իշխող կուսակցությունը Նեթանյահուի գլխավորությամբ նախկինի նման շարունակում է վայելել ժողովրդական լայն զանգվածների աջակցությունը:

Միևնույն ժամանակ որոշակի պայքար է նկատվում ուժայինների՝ մասնավորապես ոստիկանության և իշխանությունների միջև: Ոստիկանությունը գործող վարչապետին ձերբակալելով փորձում է ցույց տալ, որ ինքն երկրում ամենաուժեղն է: Այս համատեքստում հարկավոր է նշել, որ Իսրայելի ոստիկանության ղեկավար Ռոնի Ալշեյխն անձնական հաշիվներ ունի Նեթանյահուի հետ. նախկինում նա զբաղեցրել է իսրայելական հատուկ ծառայությունների ղեկավարի տեղակալի պաշտոնը և ակնկալում էր դառնալ դրա ղեկավար, սակայն Նեթանյահուն խանգարեց այդ պլաններին:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Անձրև
Խոնավություն՝ 65%
Քամի՝ 6 կմ/ժ
6 C°
 
  11° 
08.03.2021
-1°   
09.03.2021
Հարցում

Կո՞ղմ եք Covid-19 պատվաստումներին, եթե Հայաստանում նման գործընթաց սկսվի: