ԵՐԵՎԱՆ 1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19 422,9 դրամ ԱՐԾԱԹ - 228,34 դրամ ՊԼԱՏԻՆ - 12 259,22 դրամ

Նեթանյահուն` պաղեստինյան ծուղակում. բավարարել սեփակա՞ն, թե միջազգային հանրության ակնկալիքները

siberiaplay.ru

Իսրայելի վարչապետ Բենյամին Նեթանյահուին հաջողվեց խուսափել պաշտպանության նախարար Ավիգդոր Լիբերմանի հրաժարականի և կոալիցիայից նրա գլխավորած «Մեր տուն Իսրայել» կուսակցության դուրս գալու հետևանքով սպասվող ներքաղաքական անկայունությունից: Սակայն պետք է նկատել, որ ստեղծված կայունությունը խիստ հարաբերական է: Այժմ Նեթանյահուն խորհրդարանում մնացել է նվազագույն մեծամասնությամբ (120 մանդատից 61), ինչը չի բացառում ներքաղաքական նոր ճգնաժամերը. այժմ վարչապետի համար կարևոր է ոչ միայն կոալիցիայի մեջ մտնող  բոլոր ուժերի, այլ յուրաքանչյուր պատգամավորի աջակցությունը, քանի որ նույնիսկ մեկ պատգամավորի դիրքորոշման արդյունքում կարող են տապալվել կառավարության նախաձեռնությունները, անգամ նշանակվել արտահերթ խորհրդարանական ընտրություններ, որոնք այս պահի դրությամբ Նեթանյահուին ընդհանրապես ձեռնտու չեն:

Չնայած հարցումների արդյունքներն առաջիկա ընտրություններում հաղթանակը խոստանում են Նեթանյահուի գլխավորած «Լիկուդ» կուսակցությանը` մոտ ապագայում արտահերթ ընտրությունների դեպքում վերջինիս դժվար հաջողվի պահպանել իր դիրքերը խորհրդարանում, առավել ևս բարելավել դրանք` հաշվի առնելով, որ «Լիկուդ»-ի հիմնական ընտրազանգվածի` բնակչության ռադիկալ տրամադրված մասի մոտ գնալով ավելանում է Նեթանյահուի վարած քաղաքականությունից դժգոհությունը: Դա հիմնականում պայմանավորված է Գազայի հատվածից Իսրայելի տարածքի ռմբակոծություններին  ի պատասխան կտրուկ ռազմական գործողությունների չդիմելու, Գազայի նկատմամբ  տնտեսական սահմանափակումները մեղմելու հանգամանքով:

Հիշեցնենք, որ Գազայի հատվածում վերջին սրացումն անսպասելիորեն հրադադարով ավարտելու Նեթանյահուի որոշումն էր պատճառ դարձել պաշտպանության նախարարի հրաժարականի համար: Լիբերմանի կողմից սա բավականին լավ քայլ էր իր կողմ գրավելու բնակչության ռադիկալ զանգվածին: Թեև պաշտպանության նախկին նախարարը փոքր-ինչ սխալվեց իր հաշվարկներում կապված այս տարի արտահերթ խորհրդարանական ընտրություններ նշանակելու հետ, սակայն պետք է նկատել, որ եթե Նեթանյահուն չվերանայի իր քաղաքականությունը Գազայի նկատմամբ, Լիբերմանի ճիշտ պահին անհրաժեշտ հիմնավորումներով արված հրաժարականը կտա իր արդյունքները նույնիսկ եթե խորհրդարանական ընտրությունները նախատեսվածի նման կայանան 2019 թվականի աշնանը:

Իսկ Գազայի նկատմամբ ավելի կոշտ քաղաքականություն վարելու Նեթանյահուի հնարավորություններն այժմ այդքան էլ մեծ չեն: Այսօր ՄԱԿ-ում Իսրայելին կոչ են արել կանխել Գազայի հատվածում լարվածության աճը, քանի որ իրավիճակը իսկապես պայթյունավտանգ է` «Գազայում 2 մլն մարդ չի կարող լինել քաղաքական դիրքորոշումների գերի և հավասարակշռություն պահել անդունդի եզրին»: Այս հայտարարությունը թերևս նշանակում է, որ չնայած ԱՄՆ դիրքորոշմանը` միջազգային հանրությունը Գազայի հատվածում արդեն մեկ տարի բավականին հաճախակի դարձած էսկալացիայի համար պատասխանատու է համարում այդ թվում Իսրայելին: Սա սահմանափակում է պաղեստինյան հարցում Նեթանյահուի ազատ մանևրելու հնարավորությունը:

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 73%
Քամի՝ 9.66 կմ/ժ
1 C°
 
   
18.12.2018
   
19.12.2018
Հարցում

Կհաջողվի՞ արդյոք Փաշինյանին տնտեսական հեղափոխություն իրականացնել Հայաստանում։