ԵՐԵՎԱՆ 5 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Գինեգործությունը հավակնում է ՀՀ արտահանման կարևոր բրենդ դառնալ

ՀՀ տնտեսությունը 2017թ․-ին, ինչպես և կանխատեսել էին Եվրասիական փորձագիտական ակումբի փորձագետները, գերազանցել է 4 տոկոսը՝ կազմելով 5,7 տոկոս։ Երկնիշ ցուցանիշների աճ է արձանագրվել մի շարք ոլորտներում։ Այդ մասին փետրվարի 24-ին «Արմենպրես» մամուլի ակումբում տեղի ունեցած մամուլի ասուլիսի ժամանակ ասել են Եվրասիական փորձագիտական ակումբի համակարգող, «Ինտեգրացիա և զարգացում» ՀԿ նախագահ Արամ Սաֆարյանը և Եվրասիական փորձագիտական ակումբի անդամ, տնտեսական գիտությունների դոկտոր Աշոտ Թավադյանը։

Փորձագետներն ամփոփել են 2017թ․ ՀՀ տնտեսական զարգացման արդյունքները՝ ներկայացնելով Եվրասիական փորձագիտական ակումբի անդամներ Աշոտ Թավադյանի և Թաթուլ Մանասերյանի կողմից իրականացված ընթացիկ տնտեսական հետազոտության արդյունքները։

Արամ Սաֆարյանը նշել է, որ 2017թ․-ին նախորդ տարվա համեմատ տնտեսական ակտիվության ցուցանիշն աճել է 7,7 տոկոսով, ինչը տարածաշրջանի ամենաբարձր ցուցանիշն է։ «Երկնիշ ցուցանիշով աճել են ՀՀ արդյունաբերությունը, առևտուրը, արտահանումը, ներկրումը։ Վերականգնվել է շինարարության աճի ցուցանիշները՝ կազմելով 3 տոկոս։ Անկում է արձանագրվել գյուղատնտեսության ոլորտում, և կարևոր է հասկանալ թե ինչու»,- ասել է Սաֆարյանը՝ միաժամանակ նշելով, որ գյուղատնտեսության ոլորտում արտահանման ցուցանիշները նույնպես աճել են։

Արամ Սաֆարյանն ընդգծել է, որ 2017թ․-ն աչքի է ընկել նաև արտահանման նոր ճյուղերի զարգացմամբ, որոնցից առաջնայինը գինեգործությունն է։ «Գիտեք, որ եվրասիական շուկաներ գնացող մեր առաջնային ապրանքը որակյալ հայկական կոնյակն է, որն ազգային բրենդ է և տարածվում է հիմնականում ՌԴ-ում, ինչպես նաև Բելառուսում և Ղազախստանում։ Բայց 2017թ․-ին Հայաստանն արտահանել է այդ շուկաներ ավելի քան 1,2 մլն լիտր որակյալ գինի։ Սա հիմք է տալիս պնդելու, որ եթե այս միտումները շարունակական լինեն մոտակա երկու տարիների համար, հայկական գինեգործությունը լինելու է կոնյակագործությունից հետո երկրորդ բրենդը, որը տարածված է լինելու եվրասիական շուկաներում»,- նշել է նա։ Փորձագետի խոսքերով, զգալիորեն աճել է նաև հագուստի և կոշկեղենի արտահանումը ՌԴ։ Բացի այդ, 2017-ին ռեկորդային աճ է արձանագրվել ՌԴ-ից ՀՀ տուրիստների հոսքի առումով, ինչը ներքին անձնագրերով ՀՀ մուտքի թույլատրման արդյունք էր։

Փորձագետների խոսքերով, տարին լավն էր նաև ԵԱՏՄ համար, զգալիորեն կրճատվել է ԵԱՏՄ տարածքում գործազրկությունը, կայունացում է նկատվում ՌԴ շուկայում, ինչը դրական է անդրադառնում ԵԱՏՄ անդամ փոքր տնտեսություն ունեցող երկրների վրա։ Այդ թվում՝ աճել են ՌԴ-ից ՀՀ կատարվող տրանսֆերտները։

Աշոտ Թավադյանն ընդգծել է, որ ՀՀ տնտեսության համար հատկապես կարևոր է պատրաստի արտադրանքի արտահանումը։ «2017թ․-ին առաջին անդամ մենք գերազանցել ենք արտահանման զգայունության շեմը՝ 2 մլրդը»,- ընդգծել է տնտեսագետը՝ նշելով, որ քանակական աճը կանցնի որակականի, երբ ապրանքների արտահանումը գերազանցի 3 մլրդ-ի շեմը։ Իսկ դրա համար հարկավոր է ճանապարհային քարտեզ մշակել։

Տնտեսագետն ընդգծել է, որ ինտեգրացիոն գործընթացները զգալիորեն խթանում են ՀՀ արտահանման աճը։ Մասնավորապես, ԵՄ հետ գործող GSP+ համակարգի շնորհիվ Հայաստանը դեպի ԵՄ երկրներ արտահանման վրա տարեկան խնայում է 9 մլն եվրո, իսկ հաշվի առնելով ԵԱՏՄ ներքո գործող կանոնակարգերն ու ԵԱՏՄ-ից ստացվող մատչելի էներգակիրները՝ դեպի ԵԱՏՄ արտահանման ընթացքում խնայումը կազմում է 60 մլն ԱՄՆ դոլար։

«Ուղղակի ներդրումների առումով մենք դեռ չենք ստացել ակնկալվող գումարները։ Այդ ուղղությամբ երկկողմանի աշխատանքի կարիք կա»,- նշել է Թավանդյանը՝ ուշադրություն հրավիրելով նրա վրա, որ  2018-ին ՀՀ-ն բավական շոշափելի արտաքին պարտք պետք է մարի, ինչը կարող է արտացոլվել տնտեսության վրա։

Ամփոփելով՝ փորձագետները նշել են, որ 2018թ․-ը դեռևս նպաստավոր է գյուղատնտեսության համար, բայց առաջնային ուշադրություն պետք է հատկացվի պատրաստի արտադրանքի արտահանմանը։ Նաև սպասվում է պետական բյուջեի աճ, սակայն զուգահեռ աճում են պաշտպանության ոլորտի ծախսերը։

Նաև նշվել է, որ 2018թ․ հոկտեմբերին ՀՀ-ում անցկացվելու է ԵԱՏՄ շաբաթ, որը հնարավորություն կընձեռի քննարկել փոխադարձ առևտրի ակտիվացման, ընդլայնման հնարավորությունները, լուծումներ գտնել առկա հարցերին։

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 52%
    Քամի՝ 3,6 կմ/ժ
    5 C°
     
    20°   
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: