ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30,293.15 դրամ ԱՐԾԱԹ - 470.07 դրամ ՊԼԱՏԻՆ - 21,042.56 դրամ

Ինչո՞վ է կարևորվում այս փուլում ՀՀ-ԱՄՆ խորհրդարանական համագործակցության զարգացումը

Նախորդ շաբաթ տեղի ունեցավ ՀՀ ԱԺ պատվիրակության այցն ԱՄՆ, որն իր բնույթով աննախադեպ էր նրանով, որ պատվիրակության կազմում էին ներառվել ՀՀ խորհրդարանում ներկայացված բոլոր քաղաքական ուժերի ներկայացուցիչները:  Ըստ էության  նախորդ շաբաթ տեղի ունեցած այցը համարվում էր 2017 թվականին տեղի ԱՄՆ կոնգրեսականների ՀՀ այցի տրամաբանական շարունակությունը: Նկատենք, որ դա ՀՀ անկախությունից ի վեր ամերիկյան ամենամեծ պատվիրակության այցն էր Հայաստան և ներառում էր ներկայացուցիչներ ԱՄՆ թե՛ հանրապետական և թե՛ դեմոկրատական կուսակցություններից:

Ստորև անդրադառնանք ՀՀ պատվիրակութան ԱՄՆ այցի ժամանակ բարձրաձայնված մի շարք կարևոր թեզերին և շեշտադրումներին:

Քննարկումների հիմնական թեմաներից մեկն էր ՀՀ-ԱՄՆ օրակարգում արդիական համարվող հարկային ոլորտում համագործակցության, մասնավորապես, կրկնակի հարկումը բացառելու հետ կապված հարցը: Կրկնակի հարկման բացառումը թույլ կտա հայ և ամերիկյան գործարարներին ավելի ազատ լինել երկկողմ ներդրումների կատարման հարցում՝ կատարելով ներդրումներ երկուստեք հետաքրքրություն ներկայացնող այնպիսի ոլորտներում, ինչպես, օրինակ, տեղեկատվական տեխնոլոգիաները, գյուղատնտեսությունը, վերականգնվող էներգետիկայի զբոսաշրջությունը և առևտրային այլ ոլորտներ:  Այս համատեքստում կարևոր էին օժանդակությունից առևտրային հարաբերությունների անցման շեշտադրումները:

Շրջանառվող մյուս կարևոր թեմաների շարքում էր Հայաստանի «Հազարամյակի մարտահրավերներ» կորպորացիայի ծրագրի շահառու երկրների ցանկում վերաներգրավելու հնարավորությունը, որի ուղղությամբ ներկայումս ԱՄՆ մի շարք կոնգրեսականների կողմից  ակտիվ աշխատանք է տարվում: Չնայած  հարցի շուրջ հոռետեսների բացասական կանխատեսումներին, իրադարձությունների զարգացման այս փուլում, երբ ՀՀ և ԱՄՆ շեշտ դնում են փոխշահավետ համագործակցության վրա, Հայաստանի համար ծրագրի վերամեկնարկը  կարող է դառնալ ԱՄՆ-Հայաստան համագործակցության խորացման լուրջ խթան՝ ապահովելով համագործակցությունը երկուստեք հետաքրքրություն ներկայացնող այնպիսի ոլորտներում, ինչպես, օրինակ,  գիտությունը, տեխնոլոգիաները, ճարտարագիտությունը և այլ:

Այցի շրջանակներում կարևոր էր նաև ԱՄՆ Կոնգրեսում պատվիրակության հանդիպումը Հելսինկյան հիմնադրամի փորձագետների հետ, որի շրջանակներում քննարկման հիմնական թեման եղել է Հայաստանում խորհրդարանական կառավարման համակարգի անցման համատեքստում իրականացվող ներքին բարեփոխումները և այդ ուղղությամբ համագործակցության հնարավոր եղանակները:

Հիմնվելով այցի ձևաչափի, այցի շրջանակներում քննարկված հիմնական թեմաների, այցի ընտրության ժամկետների վրա՝ կարող ենք անել հետևյալ հիմնական եզրակացությունները.

  • Խորհրդարանական այս ձևաչափով համագործակցությունն ինքնին կարևոր է, քանի որ չի սահմանափակվում միայն իշխող կուսակցությունների միջև համագործակցությամբ, այլ նաև ստեղծում է  համագործակցության նոր հնարավորություններ ԱՄՆ երկու հիմնական կուսակցությունների, ինչպես նաև ՀՀ ԱԺ տարբեր կուսակցությունների միջև:
  • Իրադարձությունների զարգացման ներկայիս փուլում, երբ Հայաստանն անցում է կատարում կառավարման խորհրդարանական  համակարգի, ԱՄՆ հետ համագործակցությունը խորհրդարանական մակարդակում առավել քան կարևորվում է՝ հաշվի առնելով Սահմանադրական փոփոխությունների արդյունքում խորհրդարանի իրավասությունների և խորհրդարանական դիվանագիտության դերակատարման մեծացումը:
  • Անցումնային այս փուլում ԱՄՆ հետ ակտիվ համագործակցությունը թույլ կտա նոր թափ հաղորդել երկրում ժողովրդավարական գործընթացների հետագա զարգացմանը, ինչն էլ կարող է ամուր հիմք ստեղծել նոր՝ խորհրդարանական կառավարման համակարգի արդունավետ գործունեության համար:
  • Կարևոր էին նաև այցի ժամանակ երկկողմ հարաբերությունների զարգացման տրամաբանության փոփոխության շուրջ շեշտադրումները, որտեղ ընդգծվեց օժանդակությունից անցումն առևտրային հարաբերությունների, ինչն առավել քան համապատասխանում է ԱՄՆ ներկայիս վարչակարգի արտաքին հարաբերությունների ոլորտում վարած քաղաքականությանը:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 65%
Քամի՝ 6 կմ/ժ
0 C°
 
-1°   
27.02.2021
-1°  10° 
28.02.2021
Հարցում

Կո՞ղմ եք Covid-19 պատվաստումներին, եթե Հայաստանում նման գործընթաց սկսվի: