ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Արցախը զարգացնում է ԱՄՆ հետ համագործակցությունը տարբեր մակարդակներում

Շարունակվում է Արցախի Հանրապետության նախագահի, արտգործնախարարի և մի շարք այլ բարձրաստիճան պաշտոնյաների այցն Ամերիկայի Միացյալ Նահանգներ: Այցի շրջանակներում հայկական պատվիրակությունն ԱՄՆ կոնգրեսում հանդիպումներ է ունեցել ԱՄՆ կոնգրեսականների հետ, մասնակցել ԱՄՆ Կոնգրեսում կազմակերպված ընդունելությանը՝ նվիրված Արցախյան շարժման 30-րդ տարեդարձին: ԱՄՆ պաշտոնյաներին հանդիպելուց զատ, Արցախի Նախագահն ԱՄՆ Ազգային շահերի կենտրոնում հանդիպումներ է ունեցել ամերիկացի մի խումբ գիտնականների ու փորձագետների հետ: Նշենք, որ ԱՄՆ Ազգային շահերի կենտրոնը ստեղծվել է ԱՄՆ 37-րդ Նախագահ Ռիչարդ Նիքսոնի կողմից 1994 թվականին` որպես Խաղաղության և Անկախության Նիքսոնի կենտրոն: Կենտրոնի մասնագետներն իրականացնում են քաղաքական խորհրդատվություն ԱՄՆ արտաքին քաղաքականության շուրջ, ինչպես նաև հրատարակում են միջազգային բարձր վարկանիշ ունեցող National Interest պարբերականը:

ԱՄՆ-ում հայկական պատվիրակությունը նաև հանդիպումներ է ունեցել Վաշինգտոնում Արցախի Հանրապետության մշտական ներկայացուցչության, Վաշինգտոնում ՀՀ դեսպանատան, Ամերիկայի հայկական ազգային կոմիտե (ԱՀԱԿ), ՀՅԴ Արևելյան Ամերիկայի կենտրոնական կոմիտեի, Ռամկավար ազատական կուսակցության գերագույն խորհրդի  և ԱՄՆ-ում հայկական այլ կազմակերպությունների ներկայացուցիչների հետ:

ԱՄՆ Արցախի նախագահի և այլ բարձրաստիճան պաշտոնյաների այցը և այցի ընթացքում տեղի ունեցած հանդիպումները հատկապես կարևորում են, եթե այն դիտարկում ենք հետևյալ երեք հարթություններում:   

ԱՄՆ կոնգրեսականների հետ տեղի ունեցած հանդիպումները թույլ կտան էլ ավելի ակտիվացնել, ամրապնդել և ընդլայնել Արցախի և ԱՄՆ օրենսդիր մարմնի միջև առ այսօր հաստատված կապերը, ինչը հիմք կծառայի հետագայում ևս ԱՄՆ կոնգրեսում ավելի ակտիվ  բարձրաձայնելու հայկական կողմերի շահերից բխող հարցեր և հանդես գալու տարբեր նախաձեռնություններով: Բացի այդ կոնգրեսականների հետ հաստատաված ամուր կապերը թույլ կտան որպեսզի նրանք ֆորսմաժորային իրավիճակներում հանդես գան արտաքին աշխարհի համար «առաջին զանգ հնչեցնողները»՝ ԱՄՆ կոնգրեսում և միջազգային տարբեր կազմակերպություններում, որտեղ նրանք ներկայացված են, բարձրաձայնելով Արցախին սպառնացող վտանգի մասին: Հետագայում այս ուղղությամբ կապերի հետագա ակտիվացմանը կարող է նպաստել նաև ԱՄՆ նահանգների մակարդակով (հատկապես այն նահանգները, որոնք ճանաչել են Արցախի անկախությունը) կոնգրեսականների և կուսակցությունների հետ առկա կապերի ընդլայնումը և նորերի հաստատումը:

Կարևոր էին նաև հայկական պատվիրակության հանդիպումներն ամերիկյան փորձագիտական, գիտական շրջանակների հետ: Այս ուղղությամբ հաստատված  ամուր գործընկերային կապերը թույլ կտան բարձրացնել Արցախի սուբյեկտայնությունը հանրային մակարդակում: Կարևոր է, որ այս ուղղությամբ իրականացվող համագործակցության շրջանակներում հնարավոր լինի հասնել նրան, որ միջազգային հեղինակություն վայելող ամերիկյան վերլուծական կենտրոնները և վերլուծաբաններն իրենց աշխատանքներում ավելի հաճախ անդրադառնան Ղարաբաղյան հակամարտությանը՝ ներկայացնելով այս հարցում հայկական կողմերի շահերից բխող տեսակետներ: Էական է նաև, որ այս ուղղությամբ իրականացվող համագործակցությունը նպաստի Արցախի վերլուծական ներուժի զարգացմանը և Արցախում գիտակրթական ոլորտի ներկայացուցիչները հնարավորություն ստանան ավելի ակտիվ մասնակցել փոխանակման և այլ ծրագրերի:

Եվ վերջապես, Սփյուռքի հայկական կառույցների հետ Արցախի նախագահի և այլ բարձրաստիճան պաշտոնյաների հանդիպումները թույլ կտան հաստատել Սփյուռքի հետ ավելի ակտիվ երկխոսության մշակույթ, ինչը թույլ կտա մեծացնել Սփյուռքի ներգրավածությունն Արցախում տեղի ունեցող տարբեր գործընթացներին` ամրապնդելով Հայաստան-Արցախ-Սփյուռք եռամիասնությունը:

այլ նյութեր այս թեմայով

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 28%
    Քամի՝ 1,54 կմ/ժ
    13 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: