ԵՐԵՎԱՆ 5 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 24 465,11 դրամ ԱՐԾԱԹ - 275,22 դրամ ՊԼԱՏԻՆ - 15 080,54 դրամ

Քննարկվել է միջազգային հարթակներում Արցախի դիվանագիտական ներկայացվածությանն առնչվող հարցեր

Արցախի Հանրապետության Ազգային ժողովի նախագահ Աշոտ Ղուլյանը մարտի 26-ին ընդունել է Հայաստանի Հանրապետության արտաքին գործերի նախարարի տեղակալ Աշոտ Հովակիմյանին, հայտնում է Արցախի ԱԺ պաշտոնական կայքը:

Ողջունելով հյուրին՝ խորհրդարանի նախագահն ընդգծել է նման հանդիպումների կարևորությունը՝ արտաքին քաղաքական օրակարգում առկա հարցերի թարմացման և նոր գաղափարների վերհանման առումով: 

Աշոտ Ղուլյանը նաև ներկայացրել է Հայաստանի Հանրապետության Ազգային ժողովի հետ խորհրդարանական մակարդակով համագործակցության ուղղությունները և թեմաների շրջանակը:

Շնորհակալություն հայտնելով ընդունելության համար՝ Աշոտ Հովակիմյանը նախ գոհունակություն է հայտնել Հայաստանի և Արցախի արտաքին գործերի նախարարությունների համագործակցության ընթացիկ մակարդակից՝ նշելով, որ այն գնալով ընդլայնվում է և ներկայացրել առաջիկա ծրագրերի ուղղությունները: 

Հանդիպման ընթացքում կողմերը մտքեր են փոխանակել միջազգային հարթակներում Արցախի դիվանագիտական և խորհրդարանական ներկայացվածության, այդ միջավայրում ղարաբաղյան հիմնախնդրի շուրջ նկատվող զարգացումների, ինչպես նաև համատեղ ծրագրերի ուղղությամբ համագործակցության հեռանկարների վերաբերյալ:

Հանդիպմանը մասնակցել են նաև ԱԺ արտաքին հարաբերությունների մշտական հանձնաժողովի նախագահ Արզիկ Մխիթարյանը և տեղակալ Դավիթ Մելքումյանը:

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 75%
Քամի՝ 4 կմ/ժ
5 C°
 
   
22.02.2020
   
23.02.2020
Հարցում

Համաձա՞յն եք, որ Հայաստանում սահմանադրական փոփոխություններ տեղի ունենան: