ԵՐԵՎԱՆ -6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Մակեդոնիայում ընթանում է երկրի անվանափոխման մասին խորհրդատվական հանրաքվեն

ABC news

Մակեդոնիայում ընթանում է երկրի անվանափոխման մասին խորհրդատվական հանրաքվեն, փոխանցում է ՌԻԱ Նովոստին:

Հանրաքվեն ընթանալու է տեղի ժամանակով 07:00-ից մինչև 19:00-ը: Հանրաքվեի մասնակիցները պետք է պատասխանեն միայն մեկ հարցի՝ «Կո՞ղմ եք ԵՄ-ին և ՆԱՏՕ-ին անդամակցությանը Մակեդոնիայի Հանրապետության և Հունաստանի Հանրապետության միջև պայմանագրի ընդունմամբ»:

Ակնկալվում է, որ առաջին արդյունքները կհրապարակվեն այսօր երեկոյան: Պաշտոնական նախնական տվյալները ընտրական հանձնաժողովը պարտավոր է հրապարակել ընտրատեսամասերի փակումից հետո 24 ժամվա ընթացքում, իսկ վերջնական արդյունքները՝ 15-օրյա ժամկետում:

Պլեբիսիցիտի ընթացքին հետևում են մոտ 12 հազար տեղական և շուրջ 500 միջազգային դիտորդներ:

Հանրաքվեն կրում է խորհրդատվական բնույթ, սակայն Մակեդոնիայի օրենսդրության համաձայն՝ դրա հաջողության համար պահանջվում է, որ քվեարկի ընտրողների կեսից ավելին՝ մոտ 903 հազար քաղաքացի:

Հունաստանի կառավարությունը հունիսի 17-ին պայմանագիր է ստորագրել Մակեդոնիայի Հանրապետության հետ: Այն կարգավորում է նախկին հարավսլավական հանրապետության անվանման շուրջ ավելի քան 25 տարի ընթացող վեճը: Հունաստանը պահանջում էր անվանափոխել երկիրը, որպեսզի չլինի խառնաշփոթ Մակեդոնիա անվամբ հունական բնակավայրի հետ: Ենթադրվում է, որ նախկին հարավսլավական հանրապետությունը կանվանափոխվի ու կդառնա Հյուսիսային Մակեդոնիայի Հանրապետություն:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 50%
    Քամի՝ 1,03 կմ/ժ
    -5 C°
     
      -1° 
    29.02.2024
       
    01.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: