ԵՐԵՎԱՆ 22 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19,922.35 դրամ ԱՐԾԱԹ - 228.19 դրամ ՊԼԱՏԻՆ - 12,986.46 դրամ

Կդիմեմ ժողովրդին, կոչ կանեմ հավաքվելու ու իր խոսքն ասելու, հետևե՛ք իրադարձություններին. Նիկոլ Փաշինյան

Հայաստանում արտահերթ խորհրդարանական ընտրությունները պետք է անցկացվեն: Ֆեսյբուք սոցիալական ցանցի ուղիղ հեռարձակմամբ այս մասին նշեց ՀՀ վարչապետի պաշտոնակատար Նիկոլ Փաշինյանը՝ հույս հայտնելով, որ քաղաքական ուժերը այդ գործընթացին որևէ հակասող գործողություն չեն անի:

«Վաղը լրանում է իմ հրաժարականից հետո օրենքով սահմանված առաջին ժամկետը, արտահերթ ընտրությունների գնալու համար ևս մեկ շաբաթ է անհրաժեշտ: Գործող Սահմանադրությամբ Խորհրդարանի լուծարման այլ տարբերակ չկա: Կամ պետք է գնայինք սահմանադրական փոփոխությունների ճանապարհով,  և առանց վարչապետի հրաժարականի, լուծարեինք Խորհրդարանը, կամ պետք է գնայինք այն ուղիով, որով հիմա շարժվում ենք: Որոշեցինք սահմանադրական փոփոխությունների  ճանապարհով չգնալ: Զգացի, որ կլինեն մեկնաբանություններ, թե  երկու ձեռքով կառչում եմ վարչապետի աթոռից»,- «Արմենպրես»-ի հաղորդմամբ՝ ասաց Նիկոլ Փաշինյանը՝ նշելով, որ չէր կարող նման խոսակցությունների հիմք ստեղծել:

Նիկոլ Փաշինյանը նշեց, որ բոլոր խմբակցությունները հայտարարել են վարչապետի թեկնածու չառաջադրելու մասին:

«Հարց է հնչեցվում, թե արդյոք այս ընթացքում դավադրություններ հնարավոր են: Տեսականորեն կարող են լինել դավադրություններ: Եթե դա արվի, ապա ժողովուրդն իր խոսքը պետք է ասի: Նույն ճանապարհով կդիմեմ ժողովրդին, կոչ կանեմ հավաքվելու ու իր խոսքն ասելու: Այնպես որ՝ հետևեք իրադարձություններին: Լինենք մշտական կապի մեջ, որ հարցերի վերաբերյալ արագ արձագանքենք, միմյանց հետ կայացնենք որոշումեր: Մի բան ակնհայտ է՝ պետք է գնանք արտահերթի, և հույս ունեմ՝ քաղաքական ուժերը դրան հակասող գործողություն չեն անի», - հավելեց Նիկոլ Փաշինյանը:


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 46%
Քամի՝ 7 կմ/ժ
20 C°
 
13°  23° 
23.05.2019
13°  24° 
24.05.2019
Հարցում

Հավանե՞լ եք «Գահերի խաղ»-ի վերջին սերիան: