Կհաջողվի՞ դեմոկրատներին իմպիչմենտ հայտարարել Թրամփին
Ամերիկյան քաղաքական շրջանակներում կրկին բարձրաձայնվում է ԱՄՆ նախագահ Դոնալդ Թարմփին իմպիչմենտ հայտարարելու հարցը: Նշենք, որ Թրամփին իմպիչմենտ հայտարարելու հարցը նոր չէ, այն կարելի է ասել ուղեկցում է Թրամփին ԱՄՆ նախագահի պաշտոնին նշանակվելու առաջին իսկ ամիսներից: Եթե նախկինում այս հարցը պարզապես քննարկման թեմա էր համարվում, և այն իրականություն դարձնելու նպատակով ոչ մի կոնկրետ քայլ չէր ձեռնարկվում, ապա այժմ CNN-ի փոխանցմամբ, իմպիչմենտի հավանականությունը մեծ է:
Նշենք, որ իմպիչմենտ հայտարարելու հնարավոր պատճառներից մեկը Թրամփի կողմից քարոզարշավի ֆինանսավորման կանոնները խախտելու հանգամանքն է: Նյու Յորքից դեմոկրատական կուսակցության ներկայացուցիչ Ջերոլդ Նեդլերի խոսքով` եթե ապացուցվի, որ ԱՄՆ նախագահ Դոնալդ Թրամփը հանձնարարել է իր փաստաբանին վճարել նախկին Playboy ամսագրի մոդելին, որպեսզի վերջինս լռի իրենց հարաբերությունների մասին, դա կարող է համարվել քարոզչության ֆինանսավորման կանոնների խախտում և հիմք դառնալ իմպիչմենտի համար:
«Սա կարող է դառնալ իմպիչմենտ ենթադրող խախտում: Արդյոք այդպիսի խախտումը բավականաչափ կարևոր է, որպեսզի հանգեցնի իմպիչմենտի, այլ հարց է: Բայց, իհարկե, այդ խախտումը թույլ է տալիս իմպիչմենտի գործ սկսել, քանի որ, չնայած նրան, որ դա տեղի է ունեցել Թրամփի նախագահ դառնալուց առաջ, դրանք նպատակ են ունեցել անազնիվ ընտրապայքար տանել», - ասել է Նեդլերը, ով 2019 թվականի հունվարին Ներկայացուցիչների պալատում դեմոկրատների մեծամասնություն կազմելուց հետո կգլխավորի Իրավաբանական կոմիտեն:
Նշենք, որ այս ուղղությամբ որոշակի փաստեր արդեն իսկ գոյություն ունեն: 2018թ. ամռանը Թրամփի նախկին փաստաբան Մայքլ Քոենը ձայնագրություն է հրապարակել, որում Թրամփը Քոենի հետ քննարկում է, թե որքան գումար պետք է վճարեն Playboy-ի նախկին մոդել Կարեն Մակդուգալին, որը ենթադրաբար կապ է ունեցել ԱՄՆ նախագահի հետ (Միացյալ Նահանգների սահմանադրության համաձայն, քարոզարշավի համար կատարված բոլոր ֆինանսական վճարումները պետք է բաց լինեն հանրության համար, ընդ որում նման վճարումները չպետք է գերազանցեն 2,700 դոլարը): Ձայնագրությունը հավանաբար արվել է 2016 թվականի նախագահական ընտրություններից երկու ամիս առաջ: Քոենը պնդել է, որ մոդելին վճարել է Թրամփի խնդրանքով, ավելին` դատարանում արդեն խոստովանել է իր մեղքը` քարոզարշավի ընթացքում ֆինանսավորման կանոնները խախտելու համար: Սակայն Թրամփը չի ընդունում իր մեղքի բաժինը` նշելով, որ Քոենը պարզապես ստում է: Բացի այդ, Reuters-ին տված հարցազրույցում վերջինս հայտարարել է, որ չի անհանգստանում հնարավոր իմպիչմենտի պատճառով, քանի որ ոչ մի վատ բան չի արել և օրենք չի խախտել: «Դժվար է իմպիչմենտ հայտարարել մեկին, ով ոչ մի վատ բան չի արել և ստեղծել է մեր երկրի պատմության մեջ հզորագույն տնտեսությունը: Ես ընդհանրապես մտահոգված չեմ: Կարծում եմ, որ ժողովուրդը կապստամբի, եթե դա տեղի ունենա», - ասել է Թրամփը:
Չնայած նրան, որ Թրամփը հրապարակայնորեն չի ընդունում իր մեղքի բաժինը (ինչը սպասելի է), այնուամենայնիվ, նշենք, որ CNN-ի փոխանցմամբ` վերջինս որոշակի շրջանակներում ավելի վաղ հայտնել է, որ կարծում է` իմպիչմենտի հավանականությունն այս անգամ մեծ է: Հղում կատարելով իր սեփական աղբյուրներին` պարբերականը նշում է, որ Թրամփի կարծիքով դա կարող է տեղի ունենալ հունվար ամսին, երբ Դեմոկրատական կուսակցությունը պաշտոնապես կստանձնի Կոնգրեսի Ներկայացուցիչների պալատի վերահսկողությունը:
Նշենք, որ ԱՄՆ-ում նոյեմբերի 6-ին կայացած միջանկյալ ընտրությունների արդյունքներով՝ Դեմոկրատական կուսակցությունը մեծամասնություն է կազմելու Կոնգրեսի Ներկայացուցիչների պալատում, ինչն էլ նրանց համար հնարավորություն է ստեղծում հետաքննություն նախաձեռնել Թրամփի դեմ ոչ միայն Playboy-ի մոդելի հետ կապված գործով, այլ նաև ԱՄՆ նախագահական ընտրություններին Ռուսաստանի միջամտության հարցով: Ամենակարևորն այն է, որ վերջիններս իրավունք ունեն հետաքննական հանձնաժողովներ ստեղծել և «ստիպել» բոլորին գալ և ցուցմունք տալ: Սակայն նշենք, որ Թրամփն արդեն իսկ խոստացել է, որ չի գնա քննչական հանձնաժողովներ և վկայություն չի տա: Նա նաև սպառնացել է կրճատել հնարավոր բոլոր հանձնաժողովների ֆինանսավորումը:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 18%
Քամի՝ 1,54 կմ/ժ