Վրաստանում զոհերի ու տուժածների թվում հայեր չկան

• 17.01.2019, 13:03
•  Տարածաշրջան,  Աշխարհ,  No-politics

Թբիլիսիի Դիղոմի թաղամասի բնակելի շենքերից մեկում գազի արտահոսքից տեղի ունեցած պայթյունի հետևանքով գրանցված զոհերի և տուժածների շրջանում ՀՀ քաղաքացիներ և ազգությամբ հայեր չկան։ Այս մասին, ինչպես հաղորդում է panorama.am-ը, հայտնում են Վրաստանում Հայաստանի դեսպանությունից։

Նշենք, որ պայթյունի հետևանքով զոհվել է 4 մարդ, իսկ 8 հոգի ստացել են տարբեր աստիճանի ծանրության վնասվածքներ։

«Վրաստանում ՀՀ դեսպանությունը ցավակցում է ողբերգական դեպքի առիթով և իր զորակցությունն է հայտնում զոհերի հարազատներին ու վրացի բարեկամ ժողովրդին»,- ասված է դեսպանատան հաղորդագրության մեջ։

Հիշեցնենք, որ այսօր Վրաստանում սգո օր է հայտարարված։