Այցելուների համար առաջին անգամ կբացվի Պեկինի Արգելված քաղաքի մի մասը

• 06.02.2019, 10:57
•  Ասիա,  Աշխարհ,  No-politics

Легендарный Китай

2020 թ. հանրային այցելությունների համար կբացվի Արգելված քաղաքի մի մասը, տեղեկացնում է ՌԻԱ Նովոստին՝ հղում կատարելով Lonely Planet-ին։

Արգելված քաղաքն աշխարհում ամենամեծ պալատական համալիրն է։ 1420 թվականից սկսած այնտեղ ապրել է Չինաստանի կայսերական ընտանիքը։

Հուշարձանների համաշխարհային ֆոնդը հայտարարել է, որ վերականգնողական աշխատանքների ավարտից անմիջապես հետո զբոսաշրջիկները կկարողանան լինել 1776թ. կառուցված Ցյանլուն այգում։ Կբացվեն նաև երեք առանձին դահլիճներ, որոնցից յուրաքանչյուրը նախատեսված է Արգելված քաղաքի անցյալին ու ներկային ծանոթանալու համար։

Ենթադրվում է, որ առաջին այցելուները կկարողանան Արգելված քաղաքի մի մասը տեսնել հաջորդ տարի՝ քաղաքի 600-ամյակի տոնակատարության ժամանակ։