ԵՐԵՎԱՆ 7 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Դավիթ Բաբայանը ներկայացրել է ԱԱԽ համատեղ նիստի մանրամասները (ԲԱՑԱՌԻԿ)

Yerevan.Today

Հայաստանի Հանրապետության վարչապետ Նիկոլ Փաշինյանի և Արցախի Հանրապետության նախագահ Բակո Սահակյանի համանախագահությամբ Ստեփանակերտում մարտի 12-ին կայացավ Հայաստանի և Արցախի Անվտանգության խորհուրդների համատեղ նիստ: Օրակարգի հիմնական թեման վերաբերում էր Արցախյան հիմնահարցի խաղաղ կարգավորման գործընթացում ներկա իրավիճակի համատեղ գնահատմանը և համակարգված գործողությունների ուրվագծմանը:

Թեմայի շուրջ «Արմեդիա» ՏՎԳ-ն զրուցել է Արցախի Հանրապետության նախագահի մամլո խոսնակ Դավիթ Բաբայանի հետ:

- Պարո´ն Բաբայան, կմանրամասնե՞ք ինչ է քննարկվել Անվտանգության խորհուրդների համատեղ նիստի ժամանակ:

- Նախ նշեմ, հայկական երկու հանրապետությունների Անվտանգության խորհուրդների նիստն այս ձևաչափով առաջին խորհրդակցությունն էր, որը կարևոր իրադարձություն կարելի է համարել: Լավ կլինի, եթե այս ավանդույթը շարունակվի նաև ապագայում, կարելի է նման նիստ կազմակերպել նաև Երևանում: Կարծում եմ, որ այդ համատեղ նիստերի մշակույթը շատ հետաքրքիր է և արդյունավետ:

Իսկ ինչ վերաբերում է անվտանգության խորհրդի նիստի ժամանակ քննարկված թեմաներին, պետք է նշեմ, որ քննարկվել է հարցերի շատ լայն շրջանակ: Նիստը տևել է 8-9 ժամ: Քննարկվել են տարբեր ոլորտներում երկու հայկական պետությունների փոխգործակցության հարցեր: Քննարկվել է անվտանգության, սոցիալ-տնտեսական, ռազմավարական ծրագրերից մինչև արտաքին քաղաքական հարցեր: Բնականաբար քննարկվել է Ղարաբաղյան հակամարտության կարգավորման գործընթացը:

ՀՀ վարչապետ Նիկոլ Փաշինյանի հայտարությունը ևս մեկ անգամ փաստեց, որ պաշտոնական Երևանը հետամուտ է լինելու ԵԱՀԿ Մինսկի խմբի շրջանակներում ղարաբաղա-ադրբեջանական հակամարտության կարգավորմանը հասնելուն, ինչը միշտ կարևորել է պաշտոնական Ստեփանակերտը: Սա է մեզ համար ուղենիշ: Եվ մեկ անգամ պաշտոնական Երևանը հաստատեց, որ անելու է ամեն ինչ, որպեսզի վերականգնվի լիարժեք ձևաչափը, որը ևս կարևոր է այն տեսանկյունից, որ առանց Արցախի մասնակցության հնարավոր չէ կարգավորել հիմնախնդիրը:

Շատ կարևոր է, որ ընդգծվեց անվտանգության ու կարգավիճակի հրամայական լինելու խնդիրը: Ընդհանուր առմամբ, անդրադարձ է արվել բոլոր այն խնդիրներին, որոնք ընկած են մեր պետականաշինության հիմքում:

Ընդհանրական անդրադարձ է եղել նաև ԵԱՀԿ Մինսկի խմբի համանախագահների վերջին հայտարարությանը: Սակայն նշեմ, որ պետք է առհասարակ ոչ թե հայտարարությունների վրա կենտրոնանալ, այլ` կարևորագույն խնդիրների: Սա ոչ առաջին, ոչ էլ վերջին հայտարարությունն է: Մենք պետք է անկախ ամեն ինչից միշտ միասնական ճակատով հանդես գանք: Կարևորը հենց սա է:

 Զրուցեց Ռոզի Միքայելյանը:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 57%
    Քամի՝ 2,57 կմ/ժ
    7 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: