«Շտապ օգնության» ուղղաթիռների շնորհանդեսը նախատեսվում է ապրիլի 6-ին. առողջապահության նախարար

• 26.03.2019, 14:57
•  Աշխարհ,  Հայաստան

ՀՀ առողջապահության նախարար Արսեն Թորոսյանը հայտնել է, որ եղանակային պայմանների բարենպաստ լինելու դեպքում ապրիլի 6-ին տեղի կունենա սանիտարական ավիացիայի ծառայության շնորհանդեսը «Airbus» ընկերության ներկայացուցիչների մասնակցությամբ։

Նախարարը ֆեյսբուքյան իր էջում գրառում է կատարել, որում մասնավորապես ասված է․ «Մոտենում ենք վերջնագծին կամ ավելի ճիշտ այս կարևոր նախաձեռնության մեկնարկին։ Եթե եղանակային պայմանները բարենպաստ լինեն, ապա ապրիլի 6-ին տեղի կունենա սանիտարական ավիացիայի ծառայության շնորհանդեսը Էյրբաս ընկերության ներկայացուցիչների մասնակցությամբ»։