Իսրայելի օդուժը հարված Է հասցրել սիրիական Հալեպին. կան զոհեր և վիրավորներ

• 28.03.2019, 10:52
•  Մերձավոր Արևելք,  Աշխարհ

Версия.Инфо

Իսրայելի ռազմաօդային ուժերը Սիրիայում գրոհել են Հալեպ քաղաքից հյուսիս ընկած արդյունաբերական գոտու վրա: Այդ մասին տեղեկացնում է «Արմենպրես»-ը, հղում կատարելով SANA գործակալությանը:

«Իսրայելցի ագրեսորները հարված են հասցրել Շեյխ Նաջար արդյունաբերական գոտու մի քանի դիրքերի, թշնամական հրթիռներից մի քանիսը խփվել են»,- հայտարարել է Սիրիայի զինվորական հրամանատարության ներկայացուցիչը:

Նրա խոսքով՝ հարձակման հետևանքով նյութական վնաս է պատճառվել: Մինչդեռ արտասահմանյան ԶԼՄ-ները, վկայակոչելով սիրիական ընդդիմության տվյալները, հայտնում են, որ հարվածը հասցվել է այդ շրջանում իրանական զորքերի դիրքերին: Հալեպում խախտված է էլեկտրամատակարարումը: The Jerusalem Post թերթը, հղում անելով իրավապաշտպան կազմակերպություններին, հայտնել է, որ հարվածի հետևանքով Հալեպում տասը մարդ է զոհվել, կան վիրավորներ:

#Syria: #Israel attacks on E.-SE. #Aleppo are now over. No details on targets hit. Focus was in/near #Nayrab Airbase. Satellite will tell within days. pic.twitter.com/PDzyzoeyVA

— Qalaat Al Mudiq (@QalaatAlMudiq) 27 марта 2019 г.