ԵՐԵՎԱՆ 8 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 972,62 դրամ ԱՐԾԱԹ - 271,79 դրամ ՊԼԱՏԻՆ - 14 312,92 դրամ

Փաշինյան-Ալիև առաջին պաշտոնական հանդիպումից մեծ ակնակալիքներ ունենալը լուրջ չէ. Էդուարդ Աղաբեկյան (ԲԱՑԱՌԻԿ)

Sputnik

Արցախյան հակամարտության, Փաշինյան-Ալիև հանդիպման և Արցախի՝ բանակցային սեղան վերադառնալու խնդիրների շուրջ «Արմեդիա ՏՎԳ»-ն զրուցել է Արցախի Ազգային ժողովի պատգամավոր, «Շարժում-88» խմբակցության ղեկավար Էդուարդ Աղաբեկյանի հետ:

 

 -Պարող Աղաբեկյան, ինչպե՞ս կգնահատեք Վիեննայում մարտի 29-ին տեղի ունեցած Փաշինյան-Ալիև հանդիպման արդյունքները:

 - Առաջին պաշտոնական հանդիպումից մեծ ակնակալիքներ ունենալը լուրջ չէ, ժամանակը ցույց կտա, թե ինչ արդյունք կարող են ունենալ այդ բանակցությունները:

 - Ի՞նչ եք կարծում՝ Արցախի՝ բանակցային սեղան վերադառնալը հնարավո՞ր է մոտ ապագայում:

 - Արցախը միանշանակ պետք է վերադառնա բանակցային սեղան: Առհասարակ, հակամարտությունը ղարաբաղա-ադրբեջանական հակամարտություն է, և սխալ է այն կոչել հայ-ադրբեջանական: Նման մոտեցումը թուլացնում է նաև Երևանի դիրքերը: Ադրբեջանը հարձակվել է Ղարաբաղի, Ստեփանակերտի վրա: Մինչև Ադրբեջանը չհասկանա, որ հակամարտության կարգավորման շուրջ պետք է խոսի հենց Ստեփանակերտի հետ, ոչ մի արդյունք էլ չի լինի: Իսկ կհամաձայնեն բանակցել Արցախի հետ, թե ոչ՝ իրենց խնդիրն է: Ինձ համար Ղարաբաղի հարցը հիմնականում լուծված է, չհաշված, իհարկե, Գարդմանք, Ուտիք և որոշ այլ տարածքներ:

 - Որքանո՞վ է այսօր մեծ պատերազմի վերսկսման հավանականությունը:

 - 1994-ի մայիսից ամեն օր պատերազմի վերսկսման վտանգ կա և դրա ապացույցը 2016-ի Ապրիլյան պատերազմն էր: Ամեն անցնող օր մոտեցնում է մեզ հաջորդ պատերազմին: Ի վերջո, բանաձևը դեռ շատ վաղուց են տվել՝ si vis pacem, para bellum (ուզում ես խաղաղություն՝ պատրաստվիր պատերազմի): Մենք պետք է լինենք պատերազմ զսպող, պատերազմ կանխարգելող, ոչ թե խաղաղություն մուրացող:    


Եղանակ
Երևան
Պարզ երկինք
Խոնավություն՝ 53%
Քամի՝ 6 կմ/ժ
8 C°
 
10°  26° 
24.09.2019
13°  27° 
25.09.2019
Հարցում

Կո՞ղմ եք Ամուլսարի շահագործման հարցով հանրաքվեի անցկացմանը