ԵՐԵՎԱՆ 12 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 972,62 դրամ ԱՐԾԱԹ - 271,79 դրամ ՊԼԱՏԻՆ - 14 312,92 դրամ

Հյուսիսային Կորեայի ԱԳՆ-ն Բոլթոնին անվանել է «պատերազմի մոլագար»

salamnews.org

ԱՄՆ նախագահի ազգային անվտանգության հարցերով խորհրդական Ջոն Բոլթոնը պատերազմի մոլագար է, որի գործողությունները կործանում են խաղաղությունն ու անվտանգությունը։ NEWS.am-ի հաղորդմամաբ, այս մասին ասվում է Հյուսիսային Կորեայի ԱԳՆ ներկայացուցչի մեկնաբանությունում, որը հրապարակվել է երկուշաբթի Կորեայի Կենտրոնական հեռագրային գործակալությունում։

Նշվում է, որ հանրապետության արտաքին քաղաքական գերատեսչության մեկնաբանությունը կապված է Բոլթոնի վերջին հայտարարության հետ այն մասին, որ մայիսին իրականացված զորավարժությունները տակտիկական հրթիռների արձակմամբ՝ խախտել են ՄԱԿ ԱԽ բանաձևը։

«Բոլթոնը հայտնի է որպես պատերազմի մոլագար, որն ավելի վաղ մեր երկիրն անվանել էր «չարիքի առանցք» և (Հյուսիսային Կորեայի դեմ) սադրիչ ռազմավարությունների մշակողն է, այդ թվում կանխիչ հարվածներ հասցնելու և պետական կարգի բռնի փոփոխության իմաստով: Բոլթոնը արժանի է, որպեսզի նրան անվանեն նախագահի օգնական խաղաղության և անվտանգության քայքայման գծով, այլ ոչ թե խորհրդական, որն աշխատում է անվտանգություն ստեղծելու համար»,- ընդգծվում է մեկնաբանությունում։

Հյուսիսային Կորեայի ԱԳՆ ներկայացուցիչն ընդգծել է, որ տակտիկական հրթիռների արձակումը մայիսի սկզբին սովորական պատրաստություն է, դրանք ուղղված չեն եղել որևէ մեկի դեմ, վտանգ չեն ներկայացրել հարևան երկրների համար և ինքնիշխան պետության իրավունքն են սեփական պաշտպանությունն ապահովելու նպատակով։

Ավելի վաղ Բոլթոնը Տոկիո այցի ընթացքում Հյուսիսային Կորեայի հրթիռների արձակումն անվանել էր ՄԱԿ ԱԽ բանաձևի խախտում, բայց և նշել, որ Վաշինգտոնի և Փհենյանի բանակցությունների շարունակումը Կորեական թերակղզում իրավիճակի կարգավորման վերաբերյալ դեռևս հնարավոր է։


Եղանակ
Երևան

Խոնավություն՝ 48%
Քամի՝ 9 կմ/ժ
12 C°
 
  23° 
23.09.2019
11°  25° 
24.09.2019
Հարցում

Կո՞ղմ եք Ամուլսարի շահագործման հարցով հանրաքվեի անցկացմանը