ԵՐԵՎԱՆ 35 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 21 714,18 դրամ ԱՐԾԱԹ - 245,57 դրամ ՊԼԱՏԻՆ - 12 929,39 դրամ

ԱՄՆ-ը պաշտպանության նոր նախարար կունենա

facebook

Պատրիկ Շանահանը ԱՄՆ-ի պաշտպանության նախարարի պաշտոնակատարի իր լիազորությունները Մարկ էսփերին կփոխանցի հունիսի 24-ին: «Արմենպրես»-ի հաղորդմամբ, այս մասին ասված է Պենտագոնի՝ հունիսի 18-ին տարածված հաղորդագրության մեջ: Շանահանը պաշտոնաթող է լինում «2019 թվականի հունիսի 23-ի կեսգիշերին և ավարտում է իր աշխատանքը պաշտպանության նախարարությունում», նշվում է հայտարարության մեջ:

«ԱՄՆ-ի ցամաքային զորքերի նախարար Մարկ էսփերը պաշտպանության նախարարի պաշտոնակատար կդառնա դրանից անմիջապես հետո «…» Պաշտպանության նախարարի պաշտոնակատարի լիազորություններն ու գործառույթները էսփերին կանցնեն 2019 թվականի հունիսի 24-ի 00:01-ից»,- նշվում է փաստաթղթում:

ԱՄՆ-ի նախագահ Դոնալդ Թրամփն ավելի վաղ հայտարարել է, որ Շանահանը թողնում է պաշտոնը, իսկ պաշտպանության նախարարի պաշտոնում կառաջադրվի էսփերի թեկնածությունը: Վերջինս ներկայում ԱՄՆ-ի ցամաքային զորքերի նախարարն է: Այդ պաշտոնն զբաղեցնող անձը նախագահական կաբինետի անդամ չէ և ենթարկվում է պաշտպանության նախարարին: Թրամփն իր Twitter-ում գրել է, որ Շանահանն ինքն է որոշում ընդունել ինքնաբացարկի մասին: Մինչդեռ ավելի վաղ տվյալներ էին հայտնվել, որ Թրամփը դժգոհ է Շանահանից և դիտարկում է Պենտագոնի ղեկավարի պաշտոնում մեկ ուրիշի նշանակման հնարավորությունը: Այս կադրային նշանակումը ենթակա է Կոնգրեսի Սենատի կողմից հաստատման:


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 28%
Քամի՝ 6 կմ/ժ
35 C°
 
23°  36° 
24.07.2019
23°  36° 
25.07.2019
Հարցում

Շոգ եղանակն ազդո՞ւմ է ձեր աշխատունակության վրա: