ԵՐԵՎԱՆ 17 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 972,62 դրամ ԱՐԾԱԹ - 271,79 դրամ ՊԼԱՏԻՆ - 14 312,92 դրամ

Լրագրողի ստեղծած սկանդալը ինչ-որ առումով հալեցրե՞ց տարիներով կարծրացրած վրաց-ռուսական սառույցը

EADaily

Վրաստանում դեռ ակտիվ քննարկումների ու զարգացումների փուլում է «Ռուսթավի-2» հեռուստաընկերության եթերում հաղորդավար Գիորգի Գաբունիայի առաջացրած սկանդալը, ով հաղորդման բացման խոսքում անպարկեշտ արտահայտություններով էր դիմել Ռուսաստանի նախագահ Վլադիմիր Պուտինին։

Դա Վրաստանի հասարակական և քաղաքական կյանքում բուռն արձագանքի արժանացավ, ընդ որում մեծամասնությունը քննադատում է Գաբունիային: Ցույցեր սկսվեցին, որոնց մասնակիցները պահանջում էին ընդհանրապես փակել հեռուստաընկերությունը: «Ռուսթավի 2»-ը հուլիսի 7-ի լույս 8-ի գիշերը ժամանակավորապես դադարեցրեց իր հեռարձակումը, իսկ 8-ից շարունակեց աշխատանքը։ 

Գաբունիայի հնչեցրած մտքերին արձագանքեցին նաև Վրաստանի իշխանությունները, մասնավորապես՝ նախագահը, վարչապետն ու կառավարության մյուս անդամները, նրանք կոչ արեցին Ռուսաստանին չտրվել սադրանքին: ԱԳՆ-ն հայտարարություն տարածեց, որում քննադատեց հաղորդավարի ելույթը և այն սադրանք որակում:

Հաղորդավարի ոչ կոռեկտ արտահայտությունները քննադատության են արժանացել նաև վրացական ընդդիմության ներկայացուցիչների կողմից, սակայն նրանք նաև դեմ են խոսքի ազատության դեմ ուղղված ցանկացած սպառնալիքի և, քննադատել են, որ իշխանությունները միջամտել են հեռուստաընկերության գործունեությանը։

Լրագրողի պահվածքին ի պատասխան Ռուսաստանի Պետդուման որոշում էր կայացրել, որում Ռուսաստանի կառավարությանը հորդորում էր դիտարկել Վրաստանի դեմ հատուկ տնտեսական պատժամիջոցների կիրառման հարցը։ Առաջարկությունը պատգամավորների հավանությանն է արժանացել միաձայն։ Սակայն ի զարմանս բոլորի, Ռուսաստանի նախագահ Վլադիմիր Պուտինը հայտարարել է, որ անհրաժեշտ չի համարում Վրաստանի դեմ պատժամիջոցների սահմանումը՝ վրացի ժողովրդի հանդեպ հարգանքից ելնելով: Նրա խոսքով՝ երկրում հակառուսական տրամադրությունները բորբոքում են մարդիկ, որոնք պատմություն չգիտեն և վերջնարդյունքում Վրաստանին են վնաս հասցնում: Դրանից բացի, ՌԴ նախագահը կարծում է, որ «մեծ պատիվ» կլինի իրեն վիրավորած վրացի լրագրող Գեորգի Գաբունիայի դեմ քրեական գործի հարուցումը: Նա այսպիսի կարծիք է հայտնել՝ մեկնաբանելով ռուս խորհրդարանականների նախաձեռնությունը: Վրաստանի ԱԳՆ-ն ողջունել է Պուտինի այս հայտարարությունը:

Վերջին շրջանում բավական անկանխատեսելի են զարգանում ռուս-վրացական հարաբերությունները: Հունիսի վերջին Թբիլսիում բողոքի ցույցեր սկսվեցին ՌԴ Պետդումայի պատգամավոր Սերգեյ Գավրիլովի՝ վրացական խորհրդարանում ունեցած ելույթից հետո: Պատճառը մասնավորապես այն էր, որ նա զբաղեցրել էր Վրաստանի խորհրդարանի խոսնակի աթոռը։ Ցույցերի ու փոխադարձ մեղադրանքների արդյունքում Ռուսաստանը արգելել է հուլիսի 8-ից  ռուսական ավիաընկերություններին Վրաստան փոխադրել ռուսաստանցիներին, իսկ վրացական ավիաընկերություններին՝ ՌԴ թռչել։ Կրեմլում հայտարարել էին, որ արգելքը կարող են չեղարկել, երբ Վրաստանում իրավիճակը «ոչ ռուսաֆոբ հուն» վերադառնա։

Եվ այս ֆոնին վրացի լրագրողի Ռուսաստանի նախագահի հասցեին նման սուր արտահայտություններ հնչեցնելը թվում էր, թե կարող է առանց այն էլ պայթյունավտանգ վիճակը հասցնել վերջնական պայթյունի, սակայն եղավ ճիշտ հակառակը: Տպավորություն է ստեղծվում, որ Գաբունիայի ստեղծած սկանդալը ինչ-որ առումով նպաստեց առաջացած լարվածության թուլացմանը և կարող է փոխել իրադարձությունների զարգացման հունը:

այլ նյութեր այս թեմայով


Եղանակ
Երևան
Արևոտ
Խոնավություն՝ 26%
Քամի՝ 8 կմ/ժ
17 C°
 
  23° 
23.09.2019
12°  25° 
24.09.2019
Հարցում

Կո՞ղմ եք Ամուլսարի շահագործման հարցով հանրաքվեի անցկացմանը