ԵՐԵՎԱՆ 5 C°
ՀՀ ԿԲ -
  • USD - 395.05 դրամ -0,24 EUR - 411.29 դրամ -0,05 RUB - 6.53 դրամ -0,02 GBP - 478.17 դրամ -0,53
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Բուխարեստ. Կոմիտասի 150-ամյակին նվիրված համերգ

Armenpress

Բուխարեստի առաջնորդանիստ Սրբոց Հրեշտակապետաց Մայր Տաճարում օգոստոսի 3-ին տեղի ունեցավ Կոմիտասի ծննդյան 150-ամյակին նվիրված համերգ: Այն կազմակերպվել էր Ռումինիայի Հայոց միության և Ռումանիոյ Հայոց թեմի կողմից՝ «Հայկական փողոց» եռօրյա փառատոնի շրջանակներում երկու կառույցների համագործակցության շնորհիվ:

Ինչպես «Արմենպրես»-ին տեղեկացրին Ռումանիոյ Հայոց թեմի մամլո դիվանից, համերգը սկսվեց Ռումանիոյ Հայոց Թեմի առաջնորդ գերշ. Տ. Տաթև եպս. Հակոբյանի օրհնությամբ։ Խոսքով հանդես եկավ ռումինահայ նշանավոր գրող, հրապարակախոս, թարգմանիչ, խմբագիր, բազում գրքերի և հոդվածների հեղինակ Սերջու Սելյանը, ով հատուկ ժամանել էր հեռավոր Ավստրալիայից՝ փառատոնին մասնակցելու համար։ Անզուգական կատարումներով հանդես եկավ սոպրանո Արմինե Խաչատրյանը՝ նվագակցությամբ Կարմեն Ասադուրյանի: Համերգի ընթացքում հնչեցին Կոմիտասի նշանավոր ու հանրահայտ հոգևոր ու ազգային ստեղծագործությունները՝ Տերունական աղոթք, Սիրտ իմ սասանի, Հրեշտակային, Տեր ողորմեա, Գարուն ա, Կռունկ, Անտունի, Հով արեք, Կանչէ կռունկ, Քելե-քելե, Քելե ցոլեր, Սարերի վրով, Չինար ես, Ծիրանի ծառ, Հայաստան։ Յուրաքանչյուր կատարումից առաջ Ռումանիոյ Հայոց թեմի ՀԵՀԵՄ-ի պատասխանատու Հրանտ Ջաղինյանը նախապես ներկայացնում էր կատարվող երգի համառոտ բովանդակությունը՝ հատկապես օտարազգի հանդիսատեսին առավել ընկալելի և հասանելի դարձնելու համար ստեղծագործությունների իմաստը։

Համերգից անմիջապես հետո Տաճարի բակում տեղի ունեցավ Կոմիտասին նվիրված երկու գրքերի ռումիներեն թարգմանությունների շնորհանդեսը։ Ռիտա Սուլահյան Կույումջյանի «Խելագարության ակունքներում։ Կոմիտաս․ հայ կուռքի դիմանկարը» և Վարդան Վարդանյանի «Հավերժ ճամփորդ» աշխատությունները ռումիներեն է թարգմանել Սերջու Սելյանը, հրատարակության են պատրաստել Սիրուն Թերզյանը և Միհայ Կազազյանը՝ Ռումինահայոց միության Բուխարեստի «Արարատ» հրատարակչությունում՝ նախագահությամբ միության նախագահ Վարուժան Ոսկանյանի։ Շնորհանդեսի ավարտին գրքերը, ստորագրությամբ Սերջու Սելյանի, բաժանվեցին բոլոր ներկաներին՝ նպատակ ունենալով տարածել և ճանաչելի դարձնել մեծն Կոմիտասին և իր կատարած տիտանական աշխատանքը։

На русском

Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 65%
Քամի՝ 2,06 կմ/ժ
6 C°
 
11°  5° 
28.11.2022
12°  5° 
29.11.2022
Հարցում

Ի՞նչ եք կարծում՝ կստորագրվի արդյոք խաղաղության պայմանագիր մինչև 2022 թվականի ավարտը։